MACHWEO

2010-12-27T17:57:00.000+03:00

2010-10-23T14:39:00.000+03:00

Tujiandae na Uchaguzi MKUU

Kura yako ndiyo kila kitu katika kuleta maendeleo, hivyo piga KURA kwa busara na acha woga kwani AMANI BILA HAKI ni kama jua bila mawingu

2010-09-01T15:17:00.000+03:00

JOHN MNYIKA AZINDUA KAMPENI ZA UBUNGE CHADEMA UBUNGO

Dr Wilbroad Slaa mgombea urais kwa tiketi ya Chama Cha Demokrasia na Maendeleo CHADEMA akimnadi John Mnyika kwa wananchi wa Jimbo la Ubungo ,alipokuwa akihutubia katika ufunguzi wa Kampeni za CHADEMA Ubungo juzi Jumapili Kimara Suca.

Mpendazoe naye alikuwawepo kumnadi Mnyika kwa wananchi wa Ubungo Jumapili katika ufunguzi wa kampeni Kimara Suca.

Vijana wa kazi Mkoloni na Mr II (SUGU) wakilishambulia jukwaa la ufunguzi wa kampeni za Mnyika Kimara Suca(kwa hisani ya blog la fullshwange)

2010-09-01T15:15:00.000+03:00

TENDWA KUTOA MAAMUZI PINGAMIZI LA CHADEMA BAADA YA SIKU TANO!

Na Mary Kweka –Maelezo

Msajili wa Vyama Vya Siasa Nchini John Tendwa amesema atatoa uamuzi wake dhidi ya malalamiko yaliyowasilishwa ofisini kwake jana na Chama cha Demokrasia na Maendeleo( CHADEMA)kuhusu mgombea wa urais kupitia chama cha mapinduzi(CCM) baada ya siku tano.

Bwana Tendwa ameyasema hayo wakati akizungumza na waandishi wa habari hayo ofisini kwake jijini Dar es salaam baada ya kupokea malalamiko hayo rasmi leo.

‘’Nitatoa maamuzi hayo baada ya kupokea maelezo kutoka kwa mlalamikiwa dhidi ya malalamikaji yaliyowasilishwa,na nitatoa nakala ya maamuzi kwa Mwenyekiti wa Tume ya Uchaguzi,Katibu Mkuu wa Chama Cha Mapinduzi na Katibu Mkuu wa chama cha CHADEMA’’,Alisema Tendwa.

Akifafanua suala hilo Tendwa amesema baada ya maamuzi yake mlalamikaji na mlalamikiwa kama hawataridhika na uamuzi wake wanayo haki ya kwenda kutafuta haki yao kwenye vyombo vya sheria.

Aidha Msajili huyo Vyama ameongeza kuwa amepokea malalamiko hayo kwa mujibu wa sheria ya gharama za uchaguzi inachomkataza mgombea yeyote ambaye yeye mwenyewe, wakala wake au Chama chake kitafanya kitendo ambacho kimekatazwa kama ilivyoelekezwa kwenye sheria hiyo atakuwa au kitakuwa kimepoteza sifa za kushiriki mchakato wa uteuzi au uchaguzi.

Pingamizi hilo liliwasilishwa jana ofisi ya masajili huyo na Kaimu Katibu Mkuu wa Chadema John Mnyika wakimlalamikia Mgombea urais wa chama cha mapinduzi Jakaya Mrisho Kikwete kutumia madaraka yake kutoa ahadi kwenye kampeni na kutangaza nyongeza ya mshahara kwa wafanyakazi wakati wa kampeni.

2010-08-29T10:22:00.000+03:00

Picha Za Uzinduzi wa Kampeni ya Chadema

Chadema Wazindua Kampeni Zao Jangwani Leo

Nimebahatika kuhudhuria mkutano wa uzinduzi wa kampeni wa Chadema na kupta baadhi ya picha ambazo nimezipandisha hapa na nyingine ni kwa hisani ya wanablog kina Michuzi na Jamii orums

Mgombea Urais wa Chama cha Demokrasia na Maendeleo (CHADEMA), Dr. Willbrod Slaa akizungumza jana jioni wakati wa uzinduzi wa kampeni na ilani ya chama chao mbele ya maelfu ya watu waliofika kuushuhudia uzinduzi huo katika viwanja vya jangwani. Dr Slaa alisema kuwa akipewa ridhaa ya kuiongoza nchi hii basi atahakikisha ndani ya siku 100 za kwanza,katiba ya jamhuri ya Muungano wa Tanzania inafanyiwa marekebisho makubwa na pia kuhakikisha mfumo wa Elimu hapa nchini unabadilishwa kabisa.

"MTOTO ACHWEKWAYE NDIYE AKUAYE" ni msemo aliotoa Mgombea Mwenza wa Dr. Willbrod Slaa,Said Mzee wakati akiwahutubia wanachama na wapenzi wa chama cha Demokrasia na Maendeleo (Chadema) waliofika katika viwanja vya Jangwani jana. .

Mgombea Urais wa chama cha Demokrasia na Maendeleo (CHADEMA) Dr. Willbrod Slaa akimtambulisha rasmi mke wake aitwaye JJosephine mbele ya maelfu ya watu waliofika kwenye uzinduzi wa kampeni na ilani ya chama hicho jioni ya jana katika viwanja vya jangwani,jijini Dar.

Mwenyeki wa Chama cha Demokrasia na Maendeleo (CHADEMA),Freeman Mbowe akikabidhi vitabu vya Ilani ya chama hicho kwa mgombea Urais wa chama hicho Mh Willbrod Slaa jana jioni katika viwanja vya Jangwani jijini Dar mara baada ya kuizindua.

Mwenyeki wa Chama cha Demokrasia na Maendeleo (CHADEMA),Freeman Mbowe akionesha vitabu vya Ilani ya chama chao mara baada kuizindua katika viwanja vya Jangwani,jijini Dar.

Muasisi wa vyama vingi nchini na Mwenyekiti wa kwanza wa Chama cha NCCR-Mageuzi, Mabere Marando ambaye pia amejiunga na Chama cha Demokrasia na Maendeleo (Chadema),akionesha kitabu cha Ilani ya chama hicho mbele ya Wananchi waliofika katika viwanja vya jangwani leo.Marando aliongeza kwa kusema kuwa siku ya Jumatatu wataweka pingamizi kwa mgombea urais wa Chama Cha Mapinduzi (CCM), Mh Dr. Jakaya Kikwete kwa kudaiwa kukiuka baadhi ya sheria za Uchaguzi.

Aliyekuwa Mgombea Ubunge kwa tiketi ya chama cha CCM,na baadae akahamia chama cha CHADEMA hivi karibuni,John Shibuda akizungumza mbele ya wananchi wakati chama hicho kilipokuwa kikizindua kampeni na Ilani yake katika viwanja vya Jangwani na kuhudhuriwa na mamia ya watu.

Msanii mkongwe wa muziki wa kizazi kipya na Mgombea Ubunge kwa tiketi ya chama cha CHADEMA jimbo la Mbeya mjini,Joseph Mbilinyi a.k.a Mr II a.k.a Sugu akiimba moja ya nyimbo zake ujulikanao kwa jina la ‘Sugu’ ambao ulionekana kuwachangamsha vijana wengi waliofika viwanjani hapo wakati wa uzinduzi wa kampeni ya chama hicho pamoja na Ilani yake.

Mwanasheria wa Chama cha Demokrasia na Maendeleo (CHADEMA) na mgombea Ubunge wa jimbo la Singida Mashariki, Tundu Lisu akiwahutubia wanachama wa Chadema waliofika katika viwanja vya jangwani huku akiwa ameshika kitabu alichokisema kuwa ni moja ya mikataba ya migodi.

Mwenyeki wa Chama cha Demokrasia na Maendeleo (CHADEMA),Freeman Mbowe akijaribu kuwatuliza baadhi Wananchi kuwa wawe na utulivu hakuna kitakachoharibika,Mbowe ilibidi awatulize Wananchi mara baada kubaini kuwa shirika la utangazaji la TBC1 lilikatisha matangazo ya uzinduzi wa kampeni ya chama hicho yaliyokuwa yakirushwa LIVE na hata kuthubutu kutaka kumpiga mmoja wa watangazaji wa kituo hicho, na baadae TBC1 waliamriwa waondoke uwanjani hapo kwa usalama wao.

Mgombea Urais kwa Chama cha CHADEMA,Mh.Willibrod Slaa akiwapungia wananchi mbalimbali waliofika kwenye viwanja vya Jangwani mara ya kushuka kwenye gari.

"AIBU" shirika la umma ambalo kikundi cha watu wachache wanadhani ni mali yao binafsi. Mtangazaji wa Mahiri wa TBC1 Marin Hassan Marin akisindikizwa na askari ili kujaribu kuzuia lolote baya lisimkute wakati wakielekea kwenye gari kwa lengo la kuondoka kabisa eneo la tukio,hata hivyo baadhi ya wananchi waliokuwa na jazba ya tukio hilo waliendelea kulalama mpaka Mwenyekiti wa chama cha CHADEMA,Freeman Mbowe aliposimama na kuwasihii wananchi watulie na amani itawale eneo hilo la jangwani,na kweli baadae hali ikawa shwari na uzinduzi wa kampeni ukaendelea.

maelfu ya wanachadema waliofika katika viwanja vya jangwani .

Mgombea Ubunge kwa tiketi ya Chama cha Demokrasia na Maendeleo (CHADEMA) jimbo la Kawe,Halima Mdee akipitisha bakuri la kuomba msaada kutoka kwa watu mbalimbali waliofika viwanjani hapo,fedha hizo ambazo imeelezwa kuwa zitatumika kwenye mbio za kampeni ambazo wamezindua na wanatarajia kuzianza hivi karibuni Tanzania nzima.

Msanii G- Solo akishambulia jukwaa .

Msanii wa Bongofleva Dani Msimamo akiimba jukwaani.

Mmoja wa Wasanii wa muziki wa kizazi kipya,Mkoloni ambaye pia ni Mwanachama wa Chama cha Demokrasia na Maendeleo (CHADEMA) akisoma risala fupi kwa niaba ya Wasanii wenzake kuhusiana na mambo mbali mbali yanayoikumba anga ya muziki na wanamuziki wenyewe,Mkoloni baadae lisala hiyo aliikabidhi kwa mgombea Urais wa chama hicho Dr.Willbroa Slaa.

WanaChadema wakiwa juu ya mti ili kuweza kuona na kusikia kila kinachoendelea katika viwanja vya jangwani.

Askari Polisi wakituliza ghasia zilizotaka kuletwa na wanachama wa Chadema katika gari la kurushia matangazo la Television ya Taifa TBC.

Gari la matangazo la TBC baada ya kuwekewa uilnzi ili lisiletewe fujo na wanachama wa Chadema.

Mkutano ukiendelea.

walielekea jukwaa kuu.

gari lililommbeba mgombea urais wa Chadema likiwasili katika viwanja vya jangwani .

moja ya vioja vilivyokuwepo katika viwanja vya jangwani

umati wa wanachademana wananchi waliohudhuria mkutano wa uzinduzi wa kampeni

2010-08-27T12:47:00.002+03:00

MAMISS WA SIKU HIZI KWA MIWANI..!!

Baadhi ya washiriki wa Vodacom Miss Tanzania wakiwa na miwani kitu ambacho kimekua kivutio kikubwa kwa mamiss,kiukweli zinawapendeza na kuwaongezea nakshi mida frlani hivi....

TIGER WOODS NA MKEWE WATALIKIANA.

BINGWA WA MCHEZO WA GOLF DUNIANI TIGER WOODS AMETALIKIANA NA MKEWE ELIN NORDEGREN. HIZI NI HABARI KUTOKA MTANDAO WA MCHEZAJI GOLF NAMBA MOJA DUNIANI.

KWA PAMOJA WALISEMA "Tunasikitika kuwa ndoa yetu imefikia tamati na tunatakiana kila la heri katika mustakabala wetu," WAWILI HAO WALISEMA.

HATA HIVYO WAWILI HAO WAMESEMA WATASAIDIANA MAJUKUMU YA KULEA WATOTO WAO WAWILI. SUALA LA KUGAWANA PESA HALIJAWEKWA WAZI LAKINI TAARIFA KATIKA VYOMBO VYA HABARI VYA MAREKANI ZINASEMA KUWA BI.NORDEGREN HUENDA AKAONDOKA NA KITITA CHA DOLA MILIONI 100.

Bata za jigga na beyonce ni za hal ya juu mmmh..

2010-08-27T12:44:00.000+03:00

kundi la Wanaume (lililojiengua kutoka kwa kundi la Wanaume Halisi) linatarajia kuitambulisha albamu yake mpya itakayokwenda sambamba na uzinduzi wa Logo pamoja na tovuti yao kwa watu maalumu ndani ya kiota cha maraha kilichopo kati kati ya jiji,Savanah Lodge mnamo Octoba 25.

Akizungumza na Jiachie jijini Dar jioni hii kiongozi wa kundi hilo Rich One amesema kuwa baada kuikamilisha albamu yao yenye jumla ya nyimbo kumi,kwa sasa wanajipanga vyema kuitambulisha albamu hiyo itakayojulikana kwa jana la POA TUA, vile vile utakwenda sambamba na uzinduzi wa Logo na tovuti itakayokuwa na habari zao mbalimbali zikiwemo na kazi zao kama vile vyimbo na video zao.

"Tumeamua kuja na mambo mapya baada ya kimya kidoogo kwa wapenzi wetu,kama nilivyosema hapo awali albamu ina jumla ya nyimbo kumi,ambazo baadhi yake ni Poa Tu, Mapenzi Matamu, Apple, Moyo Wangu, Zaga Zaga na nyingine nyingi," alisema Rich One na kuongeza kuwa albamu hiyo imesheheni mahadhi tofauti tofauti kama vile Zouk, R&B pamoja na Hip Hop.

Rich One amesema kuwa ndani ya albamu hiyo amewashirikisha wasanii kadhaa mahiri katika anga ya muziki wa kizazi kipa,kama vile Chidi Benz,Kitokororo wa FM Academia,Hard Mad,Chiku Keto,Mh Themba na wengineo.

Kundi hilo linaloundwa na wakali akiwemo Athuman Yahya (A.Man), Juma Mbelwa (Juma Jazz), Karim Kaiman (Kakaman), Abdul Ally (Mzimu), Richard Shauri (Rich One) pamoja na David Mpangile (Da

Mama Salma Kikwete

NA MWANDISHI MAALUM, RUFIJI

WANAWAKE wanaokopa kutoka taasisi za fedha, wamekumbushwa kuzingatia masharti ya mikopo ikiwa ni pamoja na kuirejesha kwa wakati kuwezesha wengine kutumia fursa hiyo.
Akizungumza na kina mama wa wilaya za Mkuranga, Bagamoyo na Rufiji, mkoani Pwani, Mwenyekiti wa Taasisi ya Wanawake na Maendeleo (WAMA), Mama Salma Kikwete, alisema kukopa fedha na kutozirejesha ni kukwamisha jitihada za wengine ambao nao wanazitaka kwa ajili ya kujikwamua kiuchumi.Mama Salma alisema kwamba, mtu anapokopa fedha kwa ajili ya kutekeleza mradi, ahakikishe anazitumia kwa kazi hiyo na sio vinginevyo.

"Kina mama wenzangu, mkopo ni mkopo, lengo lilokufanya uchukue mkopo ni mradi wa kujiletea maendeleo, usitumie fedha za mkopo kununua doti za khanga, huko ni kujisababishia matatizo bila sababu za msingi," alisema.

Alifafanua kwamba, serikali ya awamu ya nne ilipoingia madarakani ilikuwa na kauli mbiu ya maisha bora kwa kila Mtanzania, na fursa ya kupata mikopo, inalenga katika kuwezesha kauli mbiu hiyo kutekelezeka.

Mama Salma aliwasisitizia wanawake kuendelea kujiunga na vyama vya kuweka na kukopa (SACCOS) na VICOBA, ili kujiweka katika mazingira mazuri ya kupata fedha za mikopo kwa ajili ya kuendeleza na kuanzisha miradi ya uzalishaji mali.

Kuhusu elimu, alisema mataifa yote yaliyoendelea, yamewekeza katika elimu ya watoto wao ndiyo maana serikali chini ya uongozi wa Rais Jakaya Kikwete katika miaka mitano yakuwepo madarakani, iliamua kujenga shule nyingi za sekondari na kupanua elimu ya vyuo na vyuo vikuu.
Huku akiwaomba kina mama hao kumpigia kura mgombea urais wa CCM Rais Jakaya Kikwete na wagombea wa ubunge na udiwani wa chama hicho katika uchaguzi mkuu ulipangwa kufanyika Oktoba 31, mwaka huu, Mama Salma alisema miaka ya sasa siyo ya kupuuzia elimu.

"Nchi yoyote yenye mafanikio imewekeza vyema katika elimu ya watoto wao, nasi hatuwezi kubaki nyuma katika hilo, shule nyingi tumejenga kwa nguvu zetu na msaada wa serikali, lakini pia tunakabiliwa na changamoto nyingi kuziwezesha kuwa bora zaidi," alisema."Mkikichagua tena Chama Cha Mapinduzi kitafanya kazi hiyo kwa ari zaidi, nguvu zaidi na kasi zaidi," alisema.

hebu angalia hapa kitu wanachokifanya,yaani washasahau kwamba barabara hiyo inatumiwa pia na watu wengine.na hapa ni lazima watakuwa walikuwa wanapiga soga tuu.

uandishi: Othman Michuzi | Tarehe: Wednesday, August 25, 2010

hii ndinga nimekutana nayo mchana wa leo katikati ya jiji la Dar ikiwa imeleta noma (kuharibika) huku jamaa wanaofanya kazi katika gari hilo za usafi wa mazingira wakiwa wamekaa juu ya taka hizo zilizomo ndani ya gari hilo huku wakipiga stori za hapa na pale kana kwamba wapo majumbani mwao vile,tena bila hata wasiwasi.

Baadhi ya warembo wa Vodacom Miss Tanzania 2010 wakiangalia Simba anayepita karibu na magari yao wakati warembo hao walipotembelea Hifadhi ya Ngorongoro kujionea wanyama na mambo mbali mbali yalipo katika hifadhi hiyo.
Baadhi ya warembo wanoshiriki mashindano ya Kumsaka Vodacom Miss Tanzania wakicheza ngoma ya Kimasai wakati walipokaribishwa katika Boma la wafugaji hao lililopo ndani ya Hifadhi ya Ngorongoro wakati wakiwa katika ziara yao ya kutembelea vivutio vya Utalii vilivyopo Mikoa ya Kaskazini, ikiwa ni sehemu ya kuhamasisha utalii wa ndani.
Baadhi ya Warembo wa Vodacom Miss Tanzania wakitoka katika nyumba za Tembe za wafugaji wa jamii ya Kimasai waishio katika Hifadhi ya Ngorongoro wakati wakiwa katika ziara yao ya kutembelea vivutio vya Utalii vilivyopo Mikoa ya Kaskazini, ikiwa ni sehemu ya kuhamasisha utalii wa ndani.
Baadhi ya warembo wa Vodacom Miss Tanzania 2010 wakinunua shanga za kimasai kutoka kwa wauzaji waliopo katika Boma lililopo katika Hifadhi ya Ngorongoro wakati warembo hao walipotembelea hifadhi hiyo wakiwa katika ziara yao ya kutembelea vivutio vya Utalii vilivyopo Mikoa ya Kaskazini, ikiwa ni sehemu ya kuhamasisha utalii wa ndani.

2010-08-22T12:17:00.000+03:00

Kikwete akibebwa na walinzi wake baada ya kuanguka jana viwanja vya jangwani (picha kwa hisani ya jamii forums)

2010-08-10T14:28:00.000+03:00

Najikamilisha, utaratibu ni wa chama na wewe unahusika kuchagua kiongozi bora na si mtawala

2010-08-08T10:47:00.001+03:00

Timu hii jana haikuonesha kama kweli inafundishwa na kocha wa kimataifa anayelipwa mapesa mengi, pumbavu

2010-08-07T15:00:00.000+03:00

Mrusi alichonga hii

UTAWALA

2010-08-01T17:04:00.000+03:00

Hakuna trafiki

2010-08-01T16:51:00.000+03:00

Mambo ya soka la mchangani

Mpira umepotela kichakani, hapa ni katika viwanja vya Machava Kigamboni

Nasaka mpira

Hadi kipa inabidi aingie kichakani kusaka mpira

2010-08-01T16:30:00.000+03:00

Pantoni limefika watu wote macho juu kuangalia magari yapo wapi

Tuone kama maharamia wa Somalia wataogopa

2010-04-02T15:51:00.001+03:00

PASAKA NJEMA

2010-03-16T18:44:00.004+03:00

Mahindi ya kuchoma, mbona Kigamboni mengi tu

Kulikuwa hakuna cha ziada kwa timu za MNMA

2010-03-16T18:28:00.002+03:00

Timu ya netiboli MNMA

Hapa MNMA ilishinda mchezo wa soka kwa kuifunga Mipango Dodoma

2010-03-16T18:25:00.002+03:00

NIKUAZIME KIATU

2010-03-16T18:14:00.004+03:00

UNAWAONA WATATA HAWA!!

2010-03-08T13:45:00.004+03:00

UDOM usiku unaweza kudhani sio hapa Bongo

Kama unadhani Dodoma ni jangwa sahau

2010-02-23T13:11:00.001+03:00

Picha itakayotoka sitokudai

JE, DINI NA MUNGU WA WAAFRIKA NI MSHENZI?

Ni falsafa ya uongo kwa mtu kuamini kwamba waafrika hawakuwa na dini kabla ya kuja kwa wageni waliokuja kwa nia ya kupora utajiri wa bara hili.
Dini ni njia ya kuhusiana na Mungu. Kwa tafsiri hii ni uongo wenye kutu kusema kwamba kabla ya wazungu na waarabu kutuvamia tulikuwa watu wasio na diniau kwa lugha nzuri kwao nakwa wafuasi wao wa sasa, wapagani au makafiri.
Wengi wetu tumekuwa tukiamini kwa kuaminishwa kwamba dini zilizoletwa na wageni ndiyo dini za asili.ukoloni na utumwa wa maharamia hawa ulitufanya tuamini kwamba Mungu wa majangiri hawa ni wa kweli. Mungu aliyeabudiwa na wenyeji aliitwa mshenzi na mitume wake wakaitwa mapepo. Huu ndio ustaarabu wa wageni.
Baada ya kuwa zimejikita afrika kwa mabavu na propaganda, zimewajaza wafuasi wake falsafa mpya ya kujibagua na kujiona bora zaidi ya wengine
Tanzania na afrika kwa ujumla katika miaka ya hivi karibuni imeshuhudia vujo na migogoro mikubwa ya kidini inayoletwa na dini hizi za ukristo na uislam katika ama kujitanua au kujiona bora zaidi ya nyingine.
Mbaya zaidi migogoro baini ya dini hizi inawaathiri hata wasiozifuata. Mambo haya hayakuwahi kutokea kutoea kabla ya kuja kwa dini hizi za kigeni.
Historia ni shahidi wa mengi. Historia ya mwafrika haioneshi machafuko au vita vilivyosababishwa na dini za asili. Dini ambazo ‘wakoloni na mabwana’ waliziita za kishenzi huku waumini wake wakibatizwa majina kama wapagani,kaffir na majina mengine mengi ya kipuuzi.
Ukristo na uislamu ni dini za kibiashara zenye historia ya vita katika kujitanua. Itkadi ya dini hizi ilisambazwa kwa heri au shari kwao waliozikataa. Walikuwa wakimtangaza Mungu wao kwamba ndiye wa kweli na hapana mwingine ila yeye.
Ukristo na uislam uliokumbatiwa na waafrika uliletwa afrika si kwa minajili ya kumtangaza mungu wa kweli bali dini hizi zilikuwa ni mbinu za wazungu na waarabu kujitanua kiuchumi na kisisasa katika bara hili tukufu. Biashara ya utumwa na ukoloni vinadhihirisha haya.
Kwa mantiki hii utaona kwamba mungu anayehubiriwa katika dini hizi ni yule anayehalalisha uporaji na uuwaji wa watu wasiomtaka.
Uislamu ulisambazwa kwa upanga mkali uliokata shingo na viungo kwa wote walioukataa. Jitihada zilizofanywa na uthman dan fodio zinadhihirisha jambo hili.
Mabomu,mishale, risasi na uongo nazo zilitumika kuusimika ukristo na yule aliyeukataa aliitwa msaliti, kifo ni zawai yake.
Mtu aliyepingana na dini hizi aliuawa.
Falsafa iliyopandikizwa na wakristo na waislam vichwani mwa waafrika bado inatutawala mpaka sasa. Ukweli ni kwamba kila mtu ana Mungu wake anayeujua utamaduni wake na kila hali yake ya maisha ya kila siku.
Kwa waafrika Mungu huyu alijulikana kwa majina anuai, wapo waliomwita Ngai, Mulungu, Lyoka na majina mengine mengi yanayoonyesha utukufu wake.
Dini za kiafrika ziliabudu Mungu mmoja tu na si kwamba wageni ndio waliowaletea waafrika dini na kuwatambulisha kwa Mungu. Ustaarabu ulikuwapo afrika na wazungu na waarabu ndio waliokopi ustaarabu huu.
Dini za kigeni ziliudharau utamaduni wa mwafrika na kumtambulisha kwa utamaduni mpya wa kujidharau na kudharau kila kilicho chake, akiiponda dini yake na kukumbatia ukisasa eti huo ndio ustaarabu.
Kwa kuudharau utamaduni wake mwaafrika amekuwa kama kasuku, kazi yake ni kuimba kila anachopewa na bwana wake. Lugha za kiafrika karibuni zitatoweka kwa kuwa tu hazina nafasi katika dunia ya wastaarabu. Lugha muhimu ni kizungu na kiarabu tu.
Ukitaka kumtawala mtu basi mporeulimi wake. Majangiri hawa wamefanikiwa kwa hilo. Kwani kila mtu hata kuamini ukisema umetokewa na Mungu anayeongea lugha yako. Wao Mungu ni yule anayeongea kwa lugha zao,Mungu asyeongea lugha zao basi watamwita shetani kama ilivyotokea Joan of the Arc huko London. Kitabu cha the African civilization kinalieleza hili.
Mwanzoni mwa muongo huu watanzania tumekuwa tukishuhudia migogoro na fujo nyingi za kidini zikitokea na ukijaribu kuchunguza kwa umakini migongano hii imekalia katika maslahi binafsi ya dini hizi na si kumtangaza mungu wao.
Machafuko haya yanayotokea ndiyo yanayonifanya nijiulize kama kweli dini zetu zilikuwa za kishenzi?
Hivi matusi, vita, migongano na machafuko yanayotokea katika nyumba za ibadandio ustaarabu tulioletewa?
Hivi wageni hawa walituletea Mungu tuliyemjua sisi au mungu wao mpenda vita, mwenye wivuna mbaguzi? Je, ni kweli kwamba sisis hatukuwa na Mungu? Swali hili nisingependa waljibu wasomi waliokaririshwa kwamba cha mzungu na mwarabu ndio bora
Kama tusingekuwa na Mungu ‘wastaarabu’ hawa wangetukuta kweli? Moyo wa ukarimu tuliowaonyesha japo walitutemea mate, ulitoka kwa Mungu wa kishenzi kweli? Hivi Mungu wetu aliyetulinda na kutupa akili ya kumjua alikuwa ni Mungu aliyevaa ngozi ya kondoo.
Je, mungu aliyeruhusu wengine kupora,kutawala kwa mabavu na kuuza binaadamu kama bidhaa ndiye mungu wa kweli?
Maswali haya pamoja na hili linalosema kwamba ukristo na uislam ni dini za ulimwengu (universal) yananifanya nijiulize na kuchoshwa na hadithi za vitabuni.
Ukweli usiolazimishwa kuukubali ni kwamba dini hizi mbili si dini za ulimwengu kama tunavyopotoshwa. Kwa afrika dini hizi ni ngeni kabisa na hatukuwa na migogoro ya kidini kama tunayoishuhudia sasa katika dini hizi ngeni.
Ni wakati wa waafrika sasa kurejea katika imani ya asili tuliyokuwa nayo, imani inayotutambua sisi na utamaduni wetu. Turudi katika dini zetu ili tutunze ustaarabu wetu, utamaduni wetukila fahari yetu.
Dini zetu za jadi ndizo zitakazotuepusha na migogoro tunayoishuhudia sasa na kwa bahati mbaya sana tunaishiriki tu eti kwa kuwa tumebatizwa na kusilimishwa katika majina mapya tusiyojua maana yake.
Vilevile tujue dini hizi mwanzo wake na wafuasi wake wa mwanzo. Ukristo ulianzishwa na kikundi cha waalimu (rabbi) Yesu akiwa mwanzilisha wakati Uislamu ulianzishwa na mfanyabiashara aliyeitwa Muhamad aliyejiita mtume huko mashariki ya mbali na kuusambaza kwa vita akianzia huko Makka.
Kuzifuata na kuzikubali dini hizi ni kukubaliana na waanzilishi wa dini hiziz na misemo yao kama…ya kaisari mpe kaisari…., na bakora ndizo zitakazoleta usuluhishi kati yetu!
Kukataa kurudia dini zetu ni kukumbatia laana tulizopata kwa kuaminishwa kwamba waafrika hatuna Mungu
Ufumbuzi wa migogoro tunayoishuhudia katika dini za kigeni ni kurudi katika dini zetu za asili zinazotutambua kwamba sisi ni nani na ni kwa ajili ya nani.
Tumekuwa na tunakuwa wanyonge kwa kukumbatia dini hizi zinazotunyima uhuru wa kuhoji kwani mafundisho yake yanatumia lugha tusizozielewa na zinatokana na mawazo ya watu wenye utamaduni tofauti na wetu.
Tujiuliza kama zingekuwa ni dini za kweli mbona zinabaguana na viongozi wa dini hizi wanajiona wao ni bora kuliko waumini wake.
Ukweli hata ukipingwa haubadiliki kuwa uongo. Ukweli ukishindwa ni kama umesakafiwa tu na siku moja utaibuka na waliopinga wataficha nyuso zao kwa aibu

2010-01-05T16:47:00.002+03:00

Safari ya kurudi Dar imefika na sasa ndo tumewasili Ubungo

Kabla ya mchezo na Maji

Hapa ni baada ya mechi na timu ya chuo cha Maji, tulipoteza mchezo kwa seti 3 kwa 2

Fainali kati IFM na DIT, mchezo ulimalizika kwa DIT kuwashinda IFM kwa penati

2010-01-05T16:17:00.002+03:00

Timu Mpira wa Wavu Chuo cha Kumbukumbu ya Mwalimu Nyerere

2010-01-04T15:07:00.000+03:00

2009-12-30T13:28:00.000+03:00

HERI YA KRIMASI WASOMAJI WA MACHWEO

Inawezekana salam hizi zikaja zikiwa ziechelewa, pamoja na hayo bado ni nia yangu kuwatakia heri ya Krismasi kwa mwaka huu wa 2009

2009-12-30T13:24:00.000+03:00

SAFU ZA MILIMA YA KITONGA: UZOEFU NA PICHA

Kwa muda wa kama wiki mbili nilikuwa mkoani Iringa kwa ajili ya kushiriki katika michezo inayohusisha taasisi za elimu ya juu na vyuo nchini.

Nilishiriki katika mchezo wa mpira wa wavu, nitajaribu kupandisha picha za michezo hiyo lakini pia nitaweka picha za safu za milima ya Kitonga

2009-06-23T20:02:00.000+03:00

Jaribu kuangalia upande wa mbele wa Admn blog block, inapendeza

2009-06-17T19:57:00.000+03:00

JENGO HILI NDIMO TUNATEGEMEA WABUNGE WATUWAKILISHE KIKAMILIFU

BAJETI YA 2009/10

Wakati serikali na Kikwete wakijisifu kwa kuweka kipaumbele katika kilimo, ukweli ni kwamba hakuna jipya linalofanywa na seriakli katika kuhakikisha kuwa kilimo kinakuwa cha kwanza, ni kutumia maneno mazuri kama mawingu makubwa yasiyoleta mvua, huwezi kusema KILIMO KWANZA ilhali umetenga asilimia 6.9 kwa ajili ya kilimo huku AU ikisisitiza angalau kilimo kitengewe asilimia kuanzia 10

2009-06-04T16:47:00.000+03:00

Matangazo kama haya yanalipiwa kodi kweli!

Nadhani Halmashauri zetu na hasa jijini DSM zingeweza kutengeneza pesa nyingi sana kutokana na matangazo haya na yale ya kuongeza Hips na kukrabati matiti ama kumfanya mtu unayempenda naye akupende

2009-06-04T16:30:00.000+03:00

MV Magogoni kazini

KIKWETE AZINDUA KIVUKO KIPYA CHA MV. MAGOGONI

Mapema leo mchana rais Kikwete amezindua kivuko kikubwa cha Mv MAgogoni kilichoundwa kwa gharama ya zaidi ya tshs bilioni 8, pesa za wananchi.

2009-05-23T20:23:00.000+03:00

Miaka fulani hivi mkuu alikutana na hawa wasanii

2009-05-23T20:20:00.000+03:00

Hapa Mkuu ni kama anasema Cheers Bush

2009-05-23T20:11:00.000+03:00

RAIS WA KWANZA TOKA AFRIKA KUKUTANA NA OBAMA

2009-05-11T12:32:00.000+03:00

Kikosi cha Taifa Starz kilichopambana na Congo

Kwa mujibu wa TFF, shirikisho la soka nchini lilimwomba Maximo atafute makocha, na hawa ndo aliowaleta. Swali hivi maximo ni kocha ama wakala wa kutafuta makocha

MAXIMO HATUFAI

Wengi unapomwongelea huyu jamaa husingizia kuwa watz wanamwonea wivu, sio kweli maximo hafai kuwa kocha wa timu ya taifa ya Tanzania. Najua msomaji unaweza kutoa mengi, hapa ni changamoto tu na ni wakati wako wewe kuchangia

2009-05-11T12:10:00.000+03:00

DIDIER DROGBA

Huyu ni mshambuliaji wa klabu ya Chelsea ambaye henda UEFA ikampa adhabu kwa kumzonga refa wakati wa pambano kati ya Chelsea na Barca. Anatoka Ivory Coast.

Blog hii sasa itakuwa ikipost picha za matukio mbalimbali

2009-01-27T11:43:00.000+03:00

HIVI MWISHO WA MZAZI MASKINI WA TZ NI NINI!!

Kichwa hapo juu kisikustue na kukutisha, umaskini ninaoungelea hapa sio ule unaojua wewe wa kukosa kula, malazi, hapa naongelea kuhusu uwezo wa umma kufanya maamuzi yao yanaowahusu.

Umma ni tofauti sana na wapiga kura, hawa wapo kwa ajili ya kutunisha matumbo yao. Umma ni zaidi ya watu kwani unahusisha mazingira yao na si kukumbukana kwa baada ya miaka mitano.

Fikiria sakata la vyuo vikuu linaloendelea hivi sasa huku asilimia kubwa ya wanafunzi (wengi wao ni watoto wa wakulima vijijini) ikiwa imekosa udahiliwa mpya uliokuja kama wokovu kwa watoto wa matajiri.

Nadhani ni wakati wa umma kuamka na kutambua kuwa amani bila haki ni kama mawingu bila mvua na siku zote haki hutafutwa. Mustakabali wa Tanzania upo mikononi wa wanyonge wengi ambao kama wakiwa makini basi mabadiliko yanawezekana.

Hapa tunachosema ni kuwa, ni kweli kabisa kuwa katiba ya jamuhuri ipo kimya kuhusu elimu ya juu lakini katiba huandikwa na watu na ni wakati huu umma wote uamue kutaka kuandikwa kwa katiba na ili nchi na yote yaliyomo yawe kwa ajili ya wote na si wachache wanaodhani umma huu ni wa wapumbavu

YANA MWISHO...

2008-12-27T19:59:00.000+03:00

Najua tumefanya mengi katika mwaka huu unaoeleka kumalizika. Ni jukumu la kila mmoja kutengeneza mipango kwa ajili ya 2009

Ninajiandaa kuiboresha zaidi blog hii

2008-12-27T19:57:00.000+03:00

HERI YA KRISMAS NA MWAKA MPYA

Kwa wasomaji wote wa blog hii, maneno haya hapa chini ni kwa ajili yenu wote

May The Almighty God reward you greatly in your future endevours and give your heart's desires.

All unfulfilled ends in 2008 should emerge and get you shine in the coming year

2008-10-09T10:55:00.000+03:00

USISHANGAE! HATA HILI LINAWEZA KUWA KWELI

Nimeipata toka kwa mdau mmoja na nimeona na wewe nikufahamishe.

Familia moja ilishangazwa pale walipopokea jeneza la marehemu mama yao aliyefariki nchini Marekani. Lilitumwa na mmoja ya watoto wake wa kike. Mwili ndani ya jeneza ulikuwa umesongwa sana ndani ya jeneza kiasi kwamba uso wa marehemu ulikuwa umegusa kioo cha jeneza! Walipofungua jeneza, walikuta barua juu ya merehemu, iliyosomeka namna hii: 'Wapendwa ndugu zangu, nimeutuma mwili wa mama yetu kwa ajili ya mazishi, kwani imekuwa siku zote hamu yake kubwa kuzikwa nyumbani Ileje, katika nyumba ya ukoo. Samahani sikuweza kuja na mwili kwani nimenyimwa likizo kwani kuna upungufu wa wafanyakazi hapa kazini mwezi huu. Ndani ya jeneza, chini ya mwili wa mama, kuna makopo 12 ya samaki wa makopo, paketi 10 za supu ya Royco na chupa 8 za jam ya maembe.Mgawane hivi kwa jinsi mtakavyoamua nyinyi. Katika miguu ya mama kuna pea moja ya viatu vya Reebok namba 9 kwa ajili ya mtoto mkubwa wa Mwakajinga. Pia, kuna pea mbili za viatu kwa ajili ya watoto wa Mwakipesile na Ipiana , natumaini nitakuwa sijakosea namba za miguu. Nimemvalisha pia mama American T-shirts 6, kubwa kabisa ni kwa ajili ya Mwakibibi, na zinazobaki ni za watoto wake. Hizo jeans mpya 2 ambazo mama amezivaa ni za wavulana Mwakatumbula na Mwakitobe. Hiyo Swiss watch mkono wake wa kushoto ni zawadi ya Rhoida kwa ajili ya sikukuu yake ya kutimiza miaka 21. Anti Queen, hizo heleni, mkufu na pete ambazo mama amevaa ni zako. Hizo soksi 6 ambazo mama amevaa wagaiwe wajomba. Tafadhali mgawane kama nilivyosema na kama kuna kitu kingine mnahitaji, basi mnieleze kwani hali ya baba nayo siku hizi si nzuri sana .Dada yenu mpenzi, Mama Mpoki

2008-06-23T11:57:00.000+03:00

MAXIMO ANA MCHANGO MDOGO SANA KATIKA SOKA LA TANZANIA

Najua wapo wanaoamini kuwa ufanisi wa Taifa Starz umechangiwa na kocha wa kibrazil aliyeletwa na JK. Kwangu mimi hali ni tofauti na wote wanaotangaza kuwa Tanzania imetangazwa na Maximo.

Kuna vitu kama viwili ambavyo ndivyo vimeifanya Taifa stars ifikie kiwango hiki ambacho hata hivyo hakijafikia kiwango kilichooneshwa na timu yetu ya taifa kwenye miaka ya 80. Vitu hivi ni kama vifuatavyo:-

Sapoti kubwa ya serikali kwa timu: Hii ndiyo chachu kubwa sana ya timu yetu kufanya vizuri. Wakati mbrazil anakuja si kweli kuwa timu yetu ilikuwa mbovu kiasi cha kusema kwamba alitukuta tuko wodi ya wagonjwa mahututi. serikali miaka ile baada 80 haikuonesha kipaumbele katika kusaidia timu ya taifa. Rais JK alipoingia madarakani kuliendana na mabadiliko makubwa katika utendaji wa TFF (zamani FAT) na hivyo alitambua kiu wa watanzania kuwa ni maendeleo ya soka na hapo ndipo alipoanza kuisadia timu kwa kuipatia kocha na misaada mingine.

Mfumo wa soka letu ulitengemaa na shurani kubwa ziende kwa shule mbalimbali nchini ambazo zilikuwa stari wa mbele kuwapa nafasi vijana wenye vipaji vya soka kujiunga na shule hizo na kuendeleza vipaji vyao, mfano wa shule hizo ni Makongo na Jitegemee kwa DSM. Mikoani napo vijana wenye vipaji walikuwa wanaangaliwa kwa ukaribu zaidi.

Kutokana na muundo mzima wa uongozi wa chama cha soka Tz wadau mbalimbali walijitokeza kuisadia timu ya taifa kwa hali na mali kama tunavyoshuhudia wafadhili mbalimbali ambao wamekuwa wakitoa pesa zao na kudhamini timu ya taifa. Kwa kuwataja kwa uchache hawa ni TBL, Serengeti, NMB na NBC pamoja na makampuni na watu binafsi.

Ukiangalia sababu hizi utagundua kabisa hata walimu wetu wa bongo wangekuwa wakipewa sapoti kama hii wasingeshindwa kuifikisha timu hii hapa ilipo.

Unaweza kufikiria hili na kutoa maoni yako

2008-06-23T11:20:00.000+03:00

USISEME UNA MATATIZO

Wadau hii nimeitoa kwa Mzee wa Sumo.

Mzee Kidevu kanitumia hii!Jamaa wawili walikutana kwenye kituo cha basi wakafanya mazungumzo.

Mmoja aling'ang'nia kuzungumzia kero za familia yake hatimaye mwenzake akasema " Unadhani familia yako ina matatizo?"Basi sikiliza kisa hiki.

"Miaka michache iliyopita nilikutana na mwanamke mjane aliyekua na binti mkubwa tu na tukaamua kuoana. Baadaye baba yangu akamuoa binti yangu wa kambo hivyo huyo binti yangu wa kambo akawa mama yangu wa kambo na Baba yangu akawa mtoto wangu wa kambo wa kiume ambapo mke wangu akawa mama mkwe wa mkwe wake.Baadaye binti yamke wangu yaani binti yangu wa kambo alipata mtoto wa kiume. mtoto huyo wa kiume alikua ndugu yangu kwa sababu tulichangia baba mmoja. lakini kwa vile alikua ni mtoto wabinti wa mke wangu papo hapo akawa mjukuu wa mke wangu na mimi nikawa babu yake ndogo wangu.

Lakini hayo yote yalikua si kitu mpaka mimi na mke wangu tulipopata mtoto wa kiume. Sasa msichana ambaye ni ndugu wa mtoto wangu huyo wa kiume kwa kuchangia mama yao mmoja, akawa pia bibi yake. Hali hiyo ilimfanya pia baba yangu kua shemeji wa mtoto wangu ambaye ndugu yake wa kike kwa upande wa mama yao ndie mke wake baba yangu. Kwa hiyo mimi ni shemeji yake mama yangu wa kambo ambapo mke wangu ni mama mdogo (anti) wabinti yake mwenyewe . Mtoto wangu wa kiume ni mpwa wa baba yangu ambapo mimi nikawa babu yangu mwenyewe.

SWALI.Je, unadhani mpaka hapo wewe una matatizo ya kifamilia? Acha kulalamika

2008-06-23T11:11:00.000+03:00

HIVI IKIWA NDIVYO, ITAKUWAJE!!!

Hii nimeipata toka kwa rafiki yangu aliyeko Nairobi na ninapenda kuiweka hapa kama ilivyoletwa

Kuna mdau eti laleta hii, jamani kutania viongozi...
Nafurahi kuwajulisheni nyote kwamba kuna vyuo kumi vimefunguliwa maeneo mbalimbali nchini, vikitoa kozi mbalimbali na kubeba majina ya watu maarufu kama ifuatavyo:

* Benjamin Mkapa Institute of Political Entrepreneurship and Openness

* David Balali School of Central Banking and Foreign Debt Management

* Andrew Chenge College of Applied Contractual Law

* Ali Hassan Mwinyi University of Inflation Control

* Karamagi Institute of Mining Licensing and Administration of Mining Contracts

* Zakia Meghji college of Tourism and Protection of Public Funds and Natural Resources

* Ditopile Mzuzuri School of Conveyance and Welfare of Public Drivers

* Mwalimu Nyerere University College of Privatization

* Mkono Intitute of Legal Fraud Prevention

* Lowassa School of Prevention of Fake Companies

Mimi nimefurahishwa na utani huu, sijui wewe

2008-04-17T15:50:00.000+03:00

UNAFIKI WA VIONGOZI WA DINI

Siongelei dhehebu moja ama mawili, naongelea viongozi wa dini zote za kigeni( ambazo hazina asili yake Afrika).

Makanisa yetu na misikiti yetu imekuwa ikipokea misaada mbalimbali toka kwa wafadhili wa ndani na nje. Misaada hii imekuwa ni kwa ajili ya maendeleo ya waumini wote.

Cha ajabu sasa ambacho msomaji unaweza kukubaliana nami ni kuwa, misaada hii imekuwa ikiishia matumboni mwa viongozi hawa ambao unapokutana nao njiani na maneno yao huku wakiosha mikono kila wanapoongea ni tofauti kabisa na matendo yao ya KIFISADI.

Tunapoongelea kuhusu ufisadi kwa viongozi wa serikali basi tusisahau kile kinachofanywa na viongozi wetu wanaovaa majoho na kanzu nzuri

2008-04-17T15:24:00.000+03:00

UTAJIRI WA CHENGE

Kama kuna jambo ambalo linaongelewa sana kwa sasa hapa kwetu Tanzania ni suala zima la utajiri wa Chenge ambaye aliwahi kuwa mwanasheria mkuu wa serikali kwa kipindi cha miaka 10 katika zama za Mkapa.

Ni katika kipindi hiki ndipo taifa lilishuhudia uingiwaji mkubwa wa mikataba ambayo leo ndio inawasumbua watanzania.

Mikataba hii haikufungwa na kina chifu Mangungo bali ilifungwa na wasomi mahiri kabisa na wengine waliosoma vizuri katika vyuo vikubwa kabisa duniani na tena wakilipiwa na wanachi masikini kwa lengo moja tu kubwa, kuwatetea wananchi katika mambo mbalimbali ya kitaifa na kimataifa.

Lakini sasa tunachoshuhudia ni kinyume cha yale tuliyoamini, wale tuliowasomesha wamekuwa ni vinara wakubwa wa ufisadi na wamejaa viburi kiasi kwamba mtu anasema hawezi kuachia ngazi/madaraka kwa kelele za wananchi, swali langu hapa ni hili,

Hivi Mtanzania ni nani katika Tanzania!

2008-01-25T12:33:00.000+03:00

HE! UNAFIKIRI HII NDIO NJIA SAHIHI?

Wakati wananchi wa sehemu fulani hapa Tanzania waliposikia kuwa 'gavana' ametolewa katika nafasi yake, baadhi ya wanajamii walivamia mashamba yake kilometa chache nje ya mji mkuu wa kibiashara.

Mimi kitendo hiki ninakiona ni cha kipekee kabisa, yaani mtu anapigiwa simu kuwa waende wakagawane mashamba ya fulani kwa kuwa tu huyo fulani ni fisadi! Wapi tunakwenda.

Sina hakika kama yale mwimbaji maarufu na mwanaharakati wa Marekani Tracy Chapman aliyoimba katika REVOLUTION 'mapinduzi ya watu wa chini' yanatimia.

Je!, wasiosema wameanza kusema! au wasiosikia wameanza kusikia, na nini kitafuata endapo mikononi watashika kilichokaribu yao!

Tusubiri

2008-01-25T12:12:00.000+03:00

SAKATA LA BOT: WALIO KIMYA NAO WAMEKULA

Sidhani kama kuna yeyote mwenye uchungu na Tanzania anahitaji kuelezwa mwanzo wa mabilioni 133 yaliyotafunwa, kwa taarifa, pale kwenye benki kuu ya Tanzania. Kwa sasa kila mtu anamnyooshea mkono Ballali, gavana ambaye rais Kiwete ametengua uteuzi wake kama gavana.

Kwa maoni yangu, mimi nadhani mtu kama Ballali hawezi kuzitumbua pesa hizo peke yake hata kama angekuwa anakula kama funza. Kawaida ya funza huwa anakula na k****a wakati huo huo na ndio maana funza ni waharibifu wakubwa na mazao ya nafaka.

Hizi pesa zimeliwa na wengi, wengi tena sana ila kwa kuwa Ballali alimuonesha 'mungu' tumbo pale alipokanusha taarifa ya dk Slaa basi ndo leo umma umeamua kumuhukumu, na hakika hata kama atasafishwa vipi bado sisi tunamuona kama fisadi anayestahili kuhukumiwa na kufilisiwa kabisa na kama ndo ingekuwa katika zile nchi za kisoshalisti za kweli basi angeuawa hadjharani baada ya kuwa amewataja mafisadi wenzake.

Namtetea Ballali kuwa hizo pesa hajazila peke yake, amekula na wengi ambao wapo bado madarakani tena wanashikilia nyadhifa kubwa sana zinazowawezesha kusaini mikataba kwa niaba yetu huku wakitanguliza maslahi yao kwani hii ni kawaida yao. Tunaimba pamoja kijamaa wao wanacheza kifisadi.

Wengi waliokula wamekaa kimya huku wakijifanya hawahusiki na tena wengine bado ni 'wajumbe' wa bodi. Tunawasubiri hawa waseme kwa hiari la sivyo umma utawataka waseme wakiwa uchi

2008-01-25T11:30:00.000+03:00

AFCON: TUNA MENGI YA KUJIFUNZA WATANZANIA

Tangu mwanzo wa mwaka huu 2008 si kwamba kila mtanzania amekuwa makini kufuatilia mashindani ya Mataifa ya Afrika yanayoendelea katika miji mbalimbali ya Ghana bali kila mtu na mpenzi wa soka duniani amekuwa makini kuna nini kinaendelea huko ambako miamba ya soka la kiafrika inakutana tangu kipite kindi cha miaka miwili ambapo Misri ilitwaa kombe hilo mbele ya 'Tembo' Ivory Coast.

Sitakuwa mchambuzi wa kuelezea mechi ambazo ndo kwanza zinaelekea katika hatua ya robo fainali bali mimi nitajaribu kujikita katika uga ambapo sisi kama watanzania tunaweza kuchota chochote kutoka Ghana.

Hakuna mtanzania ambaye anaweza kusahau namna timu yetu ya taifa ilivyoandaliwa kwa kupewa kila aina ya msaada na seriali ilivyoshindwa kushinda mechi muhimu za nyumbani na hivyo kutukosesha nafasi ya kuwakilisha nchi za jumuia ya Afika mashariki katika AFCON Ghana2008

Kikubwa ambacho ninaweza kuelezea mwanzoni kabisa ni namna ya kuthamini vipaji vya vijana wadogo bila kusahau uzoefu wa wachezaji wenye umri mkubwa lakini unaowawezesha kucheza soka. Pia nafasi ya wataalamu wa soka wazalendo katika kufanikisha mipango ya ushindi na si kushirikia na kutolewa katika hatua za mwanzo.

Tangu awasili kocha aliyetafutwa na serikali toka Brazil wengi tulikuwa na mawazo makubwa ambapo kila mtu alitazamia kabisa kuiona taifa stars ikicheza na kupata nafasi ya kwenda Ghana. Matarajio haya yalionekana kuwa kweli kutokana na namna serikali na wadau wengine walivyojitolea kuisadia timu hii ambayo mwanznoni ilionekana kama imetelekezwa.

Tatizo limejitokeza pale mtaalamu wa kibrazil alipoonesha kuwadharau watanzania akijifanya kuwa wakati alipokuja sisi hatukuwa tukijua mpira wowote na hivyo hatuwezi kumshauri katika kitu kinachoitwa soka. Kung'ang'ania kwake wachezaji chipukizi si vibaya lakini siku zote 'kijiji hakikosi wazee' lakini kuwatupa wazoefu ni tatizo kubwa. Katika safari mara zote ni lazima wawepo wanaoijua njia.

Vijana walioandaliwa vizuri tangu shuleni wana nafasi kubwa sana ya kuwa hodari katika fani nyingi, ni vizuri sasa kwa serikali na chama cha soka kuweka mikakati ili hata hiyo nafasi ya 2010 tuweze kuipata.

Ushauri wa wachezaji wazoefu, makocha wazalendo usidharauliwe. Hawa ni muhimu sana katika maendeleo ya soka letu. Tunashuhudia leo huko Ghana ambako timu nyingi zina nyota vijana wanaoungwanishwa na wakongwe.

Kwa kuwa mashindano bado yanaendelea na nzuri zaidi kwetu kuwa TVT inarusha matangazo 'live' tuna nafasi ya kujifunza mengi

2007-10-18T14:27:00.000+03:00

MAADHIMISHO YA KIFO CHA NYERERE

Juzi chuo cha kumbukumbu ya mwalimu nyerere kimeungana na watanzania wote kuadhimisha miaka nane tangu kufariki kwa kiongozi wa kwanza wa taifa hili, Mwalimu Julius Nyerere. Sherehe zilikuwa nzuri na zilihudhuriwa na viongozi mbalimbali wa chama na serikali akiwamo wazri Kingunge Ngomale Mwiru aliyekuwa mgeni maalum hapa chuoni.

Yaliongewa mengi na tukaoneshwa mengi kuhusu malimu, hakuna aliyepingana nayo. Mada mbalimbali zilizoandaliwa na wahadhiri na wanafunzi zilitolewa katika maadhimisho haya yaliyofanyika kwa siku mbili. Wachangiaji mbalimbali walichangia hii yote ikiwa ni katika kuonesha kuwa kila mmoja anamtambua na kumthamini mwalimu.

Tatizo langu linakuja pale tu wale tuliowategemea kumwonesha mwalimu kama kiongozi wa watanzania wanamwonyesha kama kiongozi wa CCM. Kingunge pamoja na dhamana aliyokuja nayo ya mtumishi wa umma alishindwa kujizuia kutamba kuwa mwalimu ni wa CCM pekee na wanasiasa wanaomwiga wanafanya makosa kwani wao si wanasisisemu.

Kikubwa pia kilichonitatiza ni pale iliposemwa kuwa mwalimu alijali mali na wananchi, hapa naona ni kama tunadanganyana mchana kabisa, ni kweli kwamba mwalimu alijali wanacnhi kwa kutogawa maliasili za nchi.

Wale wanaojidai kuwa mwalimu ni wao leo tunawaona wakiongoza kwa kuuza nchi na utajiri wake, tazama mikataba mibovu inavyosainiwa kila kukicha na pia angalia jinsi mwananchi wa kawaida anavyotaabika kwa bidhaa kuwa ghali huku viongozi na watoto wao wanavyotanua kutokana na kuendekeza matumbo kuliko watu.

Si busara kumuenzi mwalimu kwa kuimba nyimbo zake huku mkicheza ngoma za ubinafsi, ufisadi na mabaya mengine mengi ambayo ni mwiba kwa watanzania, sanamu tu hazitoshi kuonesha kuwa tunamjali mwalimu bali tukumbuke kuwa mwalimu aliona na kuheshimu mali za watanzania na hakutaka kuzitumia kwa manufaa yake binafsi

2007-10-18T14:16:00.000+03:00

HE! ETI KISWAHILI SIO LUGHA YA WASOMI!!!??

Kama kuna siku niliyoshangaa basi ni siku ya Alhamisi, tukiwa katika mjadala hapa darasani, nilizuiwa kuchangia mada kwa kuwa tu nilipaswa kuongea kiingereza. Nilikumbushwa kuwa lugha rasmi ya mawasiliano katika vyuo vya elimu ya juu ni kizungu na eti Kiswahili ambacho ni lugha ya taifa huru la Tanzania hakina nafasi kwa wasomi wasiosoma lugha hii kama somo.

Wengi walishangaa, niliamua kukaa na mwenyekiti alinionya kutoongea lugha hii tena, na hasa ninapokuwa darasani. Mwisho sana mhadhiri wa somo alisimama na kuniruhusu kuchangia mawazo yangu katika mada iliyowasilishwa na kundi la pili iliyohusu 'ulinganifu kati mitizamo ya kisiasa mmoja ukiwa ni mtazamo kongwe na mtazamo wa kisasa'

Kikubwa ninachopaswa kuwauliza ninyi wengine ni hiki, Je Kiswahili si lugha ya mawasiliano katika sehemu za elimu ya juu? au ndo nimuamini yule mzazi kule kwetu anayajua kwamba kama huwezi kuongea kizungu wewe si msomi, tena nikakumbushwa tu kuwa Kiswahili si chochote na halafu tunapaswa tujifunze Kichina

2007-10-18T14:03:00.000+03:00

NIMERUDI TENA!!!

Mpendwa msomaji wa blogu hii, kwanza naomba uniwie radhi sana kwa kuwa kimya kwa kipindi kirefu. Nilikuwa nimebanwa na majukumu mazito ya masomo, nafurahi kwamba wanajumuia wenzangu wanaoblogu kwa Kiswahili walifanya kile ambacho wote tunahitaji, habari, taarifa, na burudani.

Kubwa zaidi kwa sasa ni kuendeleza kile wenzangu walichonacho na kama unavyojua jukumu la ukurasa huu ni kukuhabarisha na kusikia wewe unasema nini kuhusu mada mbalimbali ambazo ama ntakuwa nimezichokoza ama wewe ndo umeanzisha.

Natambua kabisa yapo mengi sana ya kujadili ambayo magazeti yetu hayana nguvu ya kuvijadili. Kuwepo kwako kutasaidia wengine kufahamu mengi na kuelemika na hivyo kujitambua.

KARIBU SANA

2007-06-19T10:26:00.001+03:00

SAFARI YA GHANA INAKUJA!!!!

Hata sisi tunaweza. Ndivyo ninavyoweza kusema baada ya timu yetu ya soka inayofundishwa na Maxio Maximo kuifunga timu ngumu ya Bukinabe kwa goli 1-0 katika uwanja wa ugenini (burkinafaso).

Kwa sasa timu yetu si kichwa cha mwendawazimu kama ilivyokuwa imezoeleka hapo mwanzo. Tunaweza. Vijana wamefanya mabo makubwa ambayo kila mtanzania anayapenda. Tumepewa raha na hakuna wa kutuzuia sasa, mwendo mdundo.

Pamoja na hayo napenda kuwasikitikia baadhi ya wachezaji ambao walijiona wao ndo wao na wakawa wanaleta nyodo, sasa wanasaga meno kwani vijana wadogo wanafanya mabo amabyo wote tunayataka.

Nafurahishwa sana na msimamo wa kocha wa kutokubembeleza, huu ni mfano mzuri kwa walimu wazalendo. Tunaweza.

Unamkumbuka Kaseja pamoja na Mgosi walivyotoa maneno ya kipuuzi? yako wapi, Tunaweza bila wao kwani wapo wachezaji kibao vijana na wenye nidhamu ambao wanawajibika kwa taifa si kwa friend s of nini sijui., pumbavu. Kwa sasa wenzao wanapeta tu na jana wamepata shavu bungeni ambako kila mtu anatamani walau aingie. Cheki zawadi walizopata!

Waziri mkuu kawaahidi mambo makubwa sana endapo wataenda Ghana, na nyumba nazo hizo zinakuja yaani kutakuwa na mtaa wa Maksimo. Kitakuwa ni kijiji cha utalii, nami nitatembelea na kupiga picha.

Tunaweza

2007-06-19T10:26:00.000+03:00

2007-06-16T14:42:00.000+03:00

NIPO NDANI YA NYUMBA

Wasomaji wangu kwanza kabisa ningependa kuwaomba samahani kwa kupotea ghafla, nilibanwa na masomo na mitihani ilikuwa inakuja wanguwangu. Sio neno kwa sasa nipo mapumziko na najua tutakuwa pamoja katika kujadili mambo ya utamaduni, siasa na uchumi bila kujali yale yote yanayojiri na kuhusisha maisha yetu

2007-04-29T12:44:00.000+03:00

SIMBA NI KIBOKO

Katika ligi ndogo ya soka inayoendelea Tanzania timu ya Simba ndiyo klabu pekee ambayo kipa wake Mustafa ndiye kipa pekee ambaye hajaokota mpra katika nyavu anayoilinda ukiacha magoli ya 'TFF' waliyopewa timu ya Ashanti

Kwa utendaji huu wa tiefuefu nadhani kazi bado ipo kwani hakuna haja ya wao kama chama cha soka kufanya kazi kwa ushabiki tena katika ligi hii ndogo ammbayo haina mwenyeji wala mgeni. Kumfungia mechi sita Golota kwa upande wangu si halali kwani kosa moja katika soka haliwezi kuzaa adhabu kubwa namna hiyo

2007-04-29T12:33:00.000+03:00

CHESII YAKARIBIA FAINALI YA UEFA

Klabu bingwa ya soka Uingereza majuzi iliweza kuilaza timu ya livapuli kwa bao moja bila majibu katika uwanja wake wa nyumbani Stamford Bridge.

Bao hilo lilifungwa na winga teleza Joe Cole baada ya kupata pande safi kutoka kwa mwanasoka bora wa Afrika na nyota anayeongoza kwa kupachika mabao katika primia ligi Didier Drogba.

Hii ni hatua kubwa sana katika kuelekea finali na endapo jumanne katika mechi ya marudiano chesii watashinda basi ndoto za Mourhino ya kutwaa kombe zitatimia.

Kumbuka kuwa nyota wa Ghana Michael Essien atacheza katika mechi hii japo kuna shaka ya mlinzi 'kavalo' amabye aliumia wakati wa sare ya ligi dhidi ya Bolton jana

2007-04-18T15:40:00.000+03:00

CHEKA KIDOGOOOOO!!!

Nimetumiwa na rafiki yangu si vibaya nawe ukasoma( hakuna ubaguzi)

Kuna muhindi mmoja alivamiwa na majambazi kwa bahati akawahi kujificha darini yeye na mkewe kwa kuogopa kuuwawa. Sasa wakawa wanamtaka ashuke la sivyo watavunja kila kitu ndani.

Mhindi akajibu: " Kama tavunja mavitu tanunua mengine lakini hapana shuka

Jambazi: Shuka la sivyoo tutachukuwa pesa zako zote
Mhindi: Kama machukua pesa tapata mengine toka Bombei

Jamabazi: Shuka kama utaki tutauwa watoto wako hapa chini !
Mhindi: Kama mauwa matoto hapana tabu tategneza mengine mashine yote bili iko juu hapa (YEYE NA MKEWE)

2007-04-18T15:31:00.000+03:00

UMEYAONA MABANGO WALIYOBEBA WASOMI WA UDSM WALIOSIMAMISHWA!!!!

Nimeingia katika blog ya Michuzi na kujionea mabango ambayo wanafunzi wa mwaka wa kwanza udsm waliandika wakishinikiza mkopo uwe 100%. Tazama hapa pembeni kushoto na bonyeza Michuzi, utajionea picha mbalimbali zilizopigwa kwa uzuri kabisa na gwiji la blog za picha nchini. Baadhi ya mabango hayo yanasema:-

SERIKALI PUNGUZENI SIASA KATIKA MASUALA YA MSINGI MNAUA ELIMU

KIKWETE UMESOMA BURE LEO UNATUDAI40%

KIKWETE BAADA YA WAKULIMA KUKUCHAGUA NDIVYO UNAVYOWALIPA

NASI TUUNDIWE KAMATI KAMA YA MALIMA NA MENGI halafu tupewe Milioni 100

Yapo mengi lakini haya ndo yamenivutia

2007-04-18T14:59:00.000+03:00

MGOMO WA CHUO KIKUU, NANI ANAFAIDIKA!!!

Katika kikao chake maalum cha 172 kilichofanyika tarehe 17 april,2007 Baraza la chuo kikuu cha dar es salaam kiliamua kuwasimamisha wanafunzi wa mwaka wa kwanza wanaosoma udsm pamoja na vyuo vishiriki kwa kushiriki katika mgomo'haramu' wa kupinga malipo ya 40%.Wanafunzi hawa wamesimamishwa masomo kwa muda usiojulikana.

Serikali makini hutumia rasilimali zake katika kuhakikisha kuwa inajenga na kuelimisha vijana ili waweze kuwa na manufaa kwa jamii na serikali yote. Vijana huandaliwa kuja kuwa watu makini na maandalizi haya yana gharama zake amabazo wakati mwingine kama mtu binafsi hawezi kuzibeba na kukidhi gharama hizi.

Nchi zetu nyingi za kiafrika zimekumbatiwa na umaskini ambao si wa mali wala watu bali umaskini wa mawazo ya kupanga nini kipewe kipaumbele kwa ajili ya kuleta maendeleo ya kesho na si kujineemesha leo na kutaka sifa sizo maana.

Serikali zetu nyingi zimekuwa zikitenga fungu kubwa sana kwa ajili ya ulinzi na IKULU huku sekta nyingine zikipewa kiduchu. Sipingani na kutoa vingi kwa ajili ya ulinzi lakini nashindwa kujizuia kujiuliza kwamba sisi Tanzania adui yetu ni nani na kwanini IKULU itumie pesa nyingi saaaana kwa kipindi kifupi!?

hakuna kitu muhimu kama elimu, haijalishi kama ni elimu ya kujitambua ama ni elimu ya kukariri ili upate cheti huku ukishindwa kujitambua. Kujitambua mara zote huanzisha safari moja.

Siwaungi mkono waliogoma kwani naamini kabisa kuna njia nyingine ambazo wangechukua ili kupata haki yao (ambayo hata mimi ninaihitaji). Wengi wa wanafunzi(nikiwamo mimi) tunatoka vijijini na nauli yakutufikisha chuoni hubidi upitishwe mchango, sasa serikali inapotoa mkopo ambao haukidhi mahitaji na bado haikubali kuwa ndani ya nchi kuna matabaka hivyo wengine wanapaswa kupewa zaidi ya wengine na wengine kunyimwa kabisa(hebu wafikirie watoto wa vigogo ambao wamesoma shule za kulipa mamilioni ambao nao wazazi wao wanataka wapewe pesa zinazotustahili makabwela!)

Suala la matumizi ya anasa ya baadhi ya ofisi za umma na watendaji wa umma linachangia sana katika kutengwa kwa vitu muhimu vya kutimizwa.

Najua watu wengi wnawalaumu wanafunzi wa udsm kwa mgomo, lakini kujitambua ni hatua kubwa katika maendeleo hata kama namna ya kuyaleta itaumiza.

Ni lazima kuwepo na vipaumbele katika vitu muhimu hasa suala la elimu ya juu na ya ufundi ili kujenga taifa endelevu. Masuala ya baadhi ya ofisi kutumia pesa za walalahoi kwa ajili ya manufaa yao hayafai katika nchi hii. Tubadilike na tujitambue huku tukiweka ubinafsi, unafiki na ubabzazi pembeni ili tuendelee mbele. Mgomo ulisitahili na mkopo ni budi utolewe kwa wahitaji kwa 100%

2007-04-11T12:32:00.000+03:00

PASAKA BILA PILAU LA NG'OMBE!!!

Kama kuna sherehe ambayo iliwaweka watu wote katika mstari basi ni hii ya pasaka ya mwaka huu. Yaani ilikuwa ni mchicha na kuku kwenda mbele kisa ni RVF.

2007-04-05T16:41:00.000+03:00

JE, DINI NA MUNGU WA WAAFRIKA NI MSHENZI?
Na: Obe Mashauri

Habari hii niliiandika mwaka 2003 na ilitoka katika gazeti la Uhuru, ilihaririwa sana. Nimeona nikupatie uisome kama nilivyokuwa nimeiandika

Ni falsafa ya uongo kwa mtu kuamini kwamba waafrika hawakuwa na dini kabla ya kuja kwa wageni waliokuja kwa nia ya kupora utajiri wa bara hili.
Dini ni njia ya kuhusiana na Mungu. Kwa tafsiri hii ni uongo wenye kutu kusema kwamba kabla ya wazungu na waarabu kutuvamia tulikuwa watu wasio na diniau kwa lugha nzuri kwao nakwa wafuasi wao wa sasa, wapagani au makafiri.
Wengi wetu tumekuwa tukiamini kwa kuaminishwa kwamba dini zilizoletwa na wageni ndiyo dini za asili.ukoloni na utumwa wa maharamia hawa ulitufanya tuamini kwamba Mungu wa majangiri hawa ni wa kweli. Mungu aliyeabudiwa na wenyeji aliitwa mshenzi na mitume wake wakaitwa mapepo. Huu ndio ustaarabu wa wageni.
Baada ya kuwa zimejikita afrika kwa mabavu na propaganda, zimewajaza wafuasi wake falsafa mpya ya kujibagua na kujiona bora zaidi ya wengine
Tanzania na afrika kwa ujumla katika miaka ya hivi karibuni imeshuhudia vujo na migogoro mikubwa ya kidini inayoletwa na dini hizi za ukristo na uislam katika ama kujitanua au kujiona bora zaidi ya nyingine.
Mbaya zaidi migogoro baini ya dini hizi inawaathiri hata wasiozifuata. Mambo haya hayakuwahi kutokea kutoea kabla ya kuja kwa dini hizi za kigeni.
Historia ni shahidi wa mengi. Historia ya mwafrika haioneshi machafuko au vita vilivyosababishwa na dini za asili. Dini ambazo ‘wakoloni na mabwana’ waliziita za kishenzi huku waumini wake wakibatizwa majina kama wapagani,kaffir na majina mengine mengi ya kipuuzi.
Ukristo na uislamu ni dini za kibiashara zenye historia ya vita katika kujitanua. Itkadi ya dini hizi ilisambazwa kwa heri au shari kwao waliozikataa. Walikuwa wakimtangaza Mungu wao kwamba ndiye wa kweli na hapana mwingine ila yeye.
Ukristo na uislam uliokumbatiwa na waafrika uliletwa afrika si kwa minajili ya kumtangaza mungu wa kweli bali dini hizi zilikuwa ni mbinu za wazungu na waarabu kujitanua kiuchumi na kisisasa katika bara hili tukufu. Biashara ya utumwa na ukoloni vinadhihirisha haya.
Kwa mantiki hii utaona kwamba mungu anayehubiriwa katika dini hizi ni yule anayehalalisha uporaji na uuwaji wa watu wasiomtaka.
Uislamu ulisambazwa kwa upanga mkali uliokata shingo na viungo kwa wote walioukataa. Jitihada zilizofanywa na uthman dan fodio zinadhihirisha jambo hili.
Mabomu,mishale, risasi na uongo nazo zilitumika kuusimika ukristo na yule aliyeukataa aliitwa msaliti, kifo ni zawai yake.
Mtu aliyepingana na dini hizi aliuawa.
Falsafa iliyopandikizwa na wakristo na waislam vichwani mwa waafrika bado inatutawala mpaka sasa. Ukweli ni kwamba kila mtu ana Mungu wake anayeujua utamaduni wake na kila hali yake ya maisha ya kila siku.
Kwa waafrika Mungu huyu alijulikana kwa majina anuai, wapo waliomwita Ngai, Mulungu, Lyoka na majina mengine mengi yanayoonyesha utukufu wake.
Dini za kiafrika ziliabudu Mungu mmoja tu na si kwamba wageni ndio waliowaletea waafrika dini na kuwatambulisha kwa Mungu. Ustaarabu ulikuwapo afrika na wazungu na waarabu ndio waliokopi ustaarabu huu.
Dini za kigeni ziliudharau utamaduni wa mwafrika na kumtambulisha kwa utamaduni mpya wa kujidharau na kudharau kila kilicho chake, akiiponda dini yake na kukumbatia ukisasa eti huo ndio ustaarabu.
Kwa kuudharau utamaduni wake mwaafrika amekuwa kama kasuku, kazi yake ni kuimba kila anachopewa na bwana wake. Lugha za kiafrika karibuni zitatoweka kwa kuwa tu hazina nafasi katika dunia ya wastaarabu. Lugha muhimu ni kizungu na kiarabu tu.
Ukitaka kumtawala mtu basi mporeulimi wake. Majangiri hawa wamefanikiwa kwa hilo. Kwani kila mtu hata kuamini ukisema umetokewa na Mungu anayeongea lugha yako. Wao Mungu ni yule anayeongea kwa lugha zao,Mungu asyeongea lugha zao basi watamwita shetani kama ilivyotokea Joan of the Arc huko London. Kitabu cha the African civilization kinalieleza hili.
Mwanzoni mwa muongo huu watanzania tumekuwa tukishuhudia migogoro na fujo nyingi za kidini zikitokea na ukijaribu kuchunguza kwa umakini migongano hii imekalia katika maslahi binafsi ya dini hizi na si kumtangaza mungu wao.
Machafuko haya yanayotokea ndiyo yanayonifanya nijiulize kama kweli dini zetu zilikuwa za kishenzi?
Hivi matusi, vita, migongano na machafuko yanayotokea katika nyumba za ibadandio ustaarabu tulioletewa?
Hivi wageni hawa walituletea Mungu tuliyemjua sisi au mungu wao mpenda vita, mwenye wivuna mbaguzi? Je, ni kweli kwamba sisis hatukuwa na Mungu? Swali hili nisingependa waljibu wasomi waliokaririshwa kwamba cha mzungu na mwarabu ndio bora
Kama tusingekuwa na Mungu ‘wastaarabu’ hawa wangetukuta kweli? Moyo wa ukarimu tuliowaonyesha japo walitutemea mate, ulitoka kwa Mungu wa kishenzi kweli? Hivi Mungu wetu aliyetulinda na kutupa akili ya kumjua alikuwa ni Mungu aliyevaa ngozi ya kondoo.
Je, mungu aliyeruhusu wengine kupora,kutawala kwa mabavu na kuuza binaadamu kama bidhaa ndiye mungu wa kweli?
Maswali haya pamoja na hili linalosema kwamba ukristo na uislam ni dini za ulimwengu (universal) yananifanya nijiulize na kuchoshwa na hadithi za vitabuni.
Ukweli usiolazimishwa kuukubali ni kwamba dini hizi mbili si dini za ulimwengu kama tunavyopotoshwa. Kwa afrika dini hizi ni ngeni kabisa na hatukuwa na migogoro ya kidini kama tunayoishuhudia sasa katika dini hizi ngeni.
Ni wakati wa waafrika sasa kurejea katika imani ya asili tuliyokuwa nayo, imani inayotutambua sisi na utamaduni wetu. Turudi katika dini zetu ili tutunze ustaarabu wetu, utamaduni wetukila fahari yetu.
Dini zetu za jadi ndizo zitakazotuepusha na migogoro tunayoishuhudia sasa na kwa bahati mbaya sana tunaishiriki tu eti kwa kuwa tumebatizwa na kusilimishwa katika majina mapya tusiyojua maana yake.
Vilevile tujue dini hizi mwanzo wake na wafuasi wake wa mwanzo. Ukristo ulianzishwa na kikundi cha waalimu (rabbi) Yesu akiwa mwanzilisha wakati Uislamu ulianzishwa na mfanyabiashara aliyeitwa Muhamad aliyejiita mtume huko mashariki ya mbali na kuusambaza kwa vita akianzia huko Makka.
Kuzifuata na kuzikubali dini hizi ni kukubaliana na waanzilishi wa dini hiziz na misemo yao kama…ya kaisari mpe kaisari…., na bakora ndizo zitakazoleta usuluhishi kati yetu!
Kukataa kurudia dini zetu ni kukumbatia laana tulizopata kwa kuaminishwa kwamba waafrika hatuna Mungu
Ufumbuzi wa migogoro tunayoishuhudia katika dini za kigeni ni kurudi katika dini zetu za asili zinazotutambua kwamba sisi ni nani na ni kwa ajili ya nani.
Tumekuwa na tunakuwa wanyonge kwa kukumbatia dini hizi zinazotunyima uhuru wa kuhoji kwani mafundisho yake yanatumia lugha tusizozielewa na zinatokana na mawazo ya watu wenye utamaduni tofauti na wetu.
Tujiuliza kama zingekuwa ni dini za kweli mbona zinabaguana na viongozi wa dini hizi wanajiona wao ni bora kuliko waumini wake.
Ukweli hata ukipingwa haubadiliki kuwa uongo. Ukweli ukishindwa ni kama umesakafiwa tu na siku moja utaibuka na waliopinga wataficha nyuso zao kwa aibu

2007-04-02T14:37:00.000+03:00

SULUHU KAMA USHINDI VILE......

Lilikuwa ni bao la kusawazisha liliofungwa kipindi cha pili muda wa lala salam ndilo lililobadilisha matokeo na kuiokoa timu ya chuo cha kumbukumbu ya mwalimu nyerere isiadhirishwe na chuo cha ustawi- Kijitonyama.

Mechi hiyo iliyofanyika katika uwanja wa MNMA ilishuhudia timu ya MNMA ikiwa ya kwanza kupachika bao lililofungwa na mshambuliaji mahiri Magesa dakika za mwanzo za kipindi cha kwanza na hivyo kuamsha ari kwa wachezaji na washangiliaji waliokuwa wamejazana kwa wingi kuisapoti timu yao ambayo haina rekodi nzuri ya kushinda mechi inazocheza katika uwanja wake wa nyumbani.

Hatahivyo Ustawi walisawazisha kabla ya mapumziko. Kipindi cha pili kilianza kwa kasi huku Ustawi wakifunga bao 'tamu' la luninga lililofungwa na mshambuliaji mwenye jezi namba9mgongoni. Bao hili liliwachanganya wachezaji na mashabiki pia huku wakijikuta wakirejea kumbukumbu za timu ya taifa kufungwa na simba wa teranga. Lakini alikuwa ni Marijani aliyefuta ndoto za wageni kuongoza baada ya kusawazisha goli baada ya kupokea pasi safi toka kwa winga mahiri Joshua 'basopa'.

Mpira huu ulioshuhudia kazi kubwa kati ya mshambuliaji wa Ustawi na beki wa pembeni wa MNMA Allain, ulitawalaliwa na rafu za kimchezo huku mwamuzi akijitahidi kuumudu mchezo. Ustawi walipata bao la tatu baada ya kiungo mchezaji jezi namba14 alipounganisha krosi safi toka winga ya kushoto. Lakini ni Ayub Denge maarufu kama Jobe ndiye alieleta faraja kubwa kwa MNMA baada ya kufunga bao la shuti lililomshinda kipa wa Ustawi na kuleta furaha kubwa kwa mashabiki wa MNMA.

Hadi mwisho wa mchezo timu zote zilitoka nguvu sawa. Baada ya pasaka timu ya MNMA inataraji kucheza na timu ya IFM

Timu ya MNMA iliwakilishwa na
1 SWEDI
2 Allen (
3 Maximilian
4 MUDI
5 Father
6 RASHIDI
7 Baseke
8 Mungai
9 Hamad (Marijani)
10. Jobe
11 Magesa(Joshua)

2007-04-02T14:17:00.000+03:00

RVF: KILA MMOJA ANAJIDAI ETI YE'VEJETARIANI'

Homa inayoogopwa kabisa kwa sasa imeingia dar. Inaogopwa kwa sababu inapatikana katika kitoweo tena kitoweo chenyewe kikiwa ni nyama ya ng'ombe. Homa hii kitaalamu imepewa jina la Rift Valley Fever ama kwa kiswahili homa ya bonde la ufa.

Hapa chuoni kwa sasa kila mtu amejipachika 'urasi' kwamba yeye si mtu wa nyama bali ni matunda na mboga za majani. Ukienda kafteria chakula kinacholiwa sana ni ugali ama wali na mbogamboga ambazo hata hivyo zimepikiwa mafuta ya wanyama.

Labda tueleweshwe zaidi kuhusu hii homa, hivi haya mafuta ya wanyama hayana HBU

2007-03-28T13:44:00.000+03:00

KILA MTU NI MPIGADEBE!!

Unapotembelea vituo vya mabasi na ama unapotaka kusafiri si ajabu kufuatwa na vijana wa rika la kati wakijitahidi kukushawishi kupanda magari yao, hawa ndio wapigadebe.

Sitaki ujenge picha ya hawa, lakini katika hali ya sasa hivi kila mtu amekuwa ni mpigadebe, sijui tunakwenda wapi. Kuanzia rais mpaka wenye NGO wote wanapigadebe sema kinachotofautiana ni sehemu, namna na mahali pa kupigia debe. hata wenye blog ni wapigadebe

2007-03-28T13:25:00.000+03:00

KANISA LILISHIRIKI UTUMWA!!!

Niliyofundishwa kwamba walipokuja wamisionari hawakuja kufundisha juu ya Mungu, walikuja kushiriki kikamilifu ili kuhakikisha kwamba wazungu wanapata watumwa kwa namna yoyote ile. Walikuja wakiwa wameshika baibo na wakakiri kabisa kwamba wao ni wema na mungu wao anaruhusu utumwa.

Usishangae! Majuzi kanisa la Angilikana limekubali na kusikitishwa na kitendo chake cha kushiriki katika biashara 'haramu kwa kipindi hiki' halali ya utumwa kwa kipindi kile. Akiongea mjini Landani jumamosi wakati wa maandamano ya kuadhimisha miaka200 tangu bunge la Uingereza lilipopitisha sheria ya kuzuia biashara na utumwa wenyewe, askofu mkuu wa canterbury daktari Rowan Williams alisema kwamba kanisa linasikitishwa na hali ile na linapanga kulipa fidia.

Swali, Watamlipa nani

2007-03-21T13:03:00.000+03:00

NINI KINAMBEBA 'MTOTO WA MJINI'!!!

Unaikumbuka ile kesi ya wale jamaa waliomuua wakili Kapinga mnamo mwaka2002! Jamaa hawa walikaa rumande kwa muda wa miaka5 na hukumu ya kesi ilitaja kuwa walikuwa wakituhumiwa kumuua wakili huyo maarufu. Hawa hawakuonwa. Dito kaua hadharana na bado kamanda wa polisi anajaribu kutuaminisha kuwa bastola ilivyatuka kwa bahati mbaya! Amefanikiwa kwani mapema tu DPP aliibadili kesi toka mauaji mpaka kukusudia kuua.

Mahabusu wengi wenye kesi za namna ya 'mtoto wa mjini' wamekaa rumande kwa muda mrefu sana kwa kuwa tu 'upelelezi haujakamilika' (hawa si matajiri) jiulize jamaa waliotuhumiwa kumuua Kapinga hawakuona na yeyote lakini mahakama imewahukumu hukumu nzito kabisa. Dito, hadharani kabisa katoka ndani ya shangingi lake kashika bastola na kuifyatua ikimlenga dereva bado tunaambiwa eti hakukusudia kuua! Tunakokwenda siko.

Jiulize waziri mmoja anasimama na kusema kuwa kesi ya kigogo huyo imekuwa hivyo kwa sababu ana mawakili wazuri! mawakili wazuri ama kuna kitu kingine kilichoanzia kwa Tibaigana, mkurugenzi wa mashtaka na 'serikali'

Tunakokwenda siko na itafikia wakati wenye kutosikia watasikia na mabubu watasema, nimalize kwa kukumegea kipande ambacho mwanamuziki na mwanaharakati Tracy Chapman anasema katika wimbo wake 'Revolution'. Utafute na uusikilize utapata zaidi ya sauti nzuri na milio murua ya magitaa (mara nyingi hutumia gitaa tu)

2007-03-17T11:34:00.000+03:00

YA DITO, NDUGU ZAKE, DHAMANA NA MAHAKIMU!!!

Juma hili linamalizika huku mawaziri wanaohusika na usalama na haki za raia wakishindwa kuwashawishi mahabusu amabo wamekuwa wakigoma sasa mpaka nao kesi zinazowakabili mahakama zitasikilizwa kwa haraka kama ilivyotokea kwa mtuhumiwa wa kesi ya kukusudia kuua ndugu Ditto amabye kesi yake imechukua miezi mitatu tu na sasa yupo nje kwa dhamana kwani kosa lake lina dhaminika ilhali mahabusu wengi wakiwa gerezani kwa takribani miaka10 mpaka 15 kesi zao zikitajwa tu bila chochote kuendelea.

Wamegoma!

Nawashangaa sana hawa mahabusu amabo wameamua kugoma ili kushinikiza kesi zao ziharakishwe kama inavyotokea kwa kesi zinazowakabili vigogo ama watoto wao ama watu maarufu. Kesi zinatofautiana na watuhumiwa wanatofautiana sana kwani hata binadamu wote si sawa japo katiba yetu inayoongozwa na mfumo wa ujamaa kutamka kuwa binadamu wote ni sawa.

Kesi inayoendelea ya mheshimiwa inadhihirisha yale G. Orwell aliyosema katika kitabu chake maarufu kinachoitwa 'the animal farm' shamba la wanyama kuwa kuna binadamu wengine ni zaidi ya wengine.

ninakuwa ninajiuliza kuwa inawezekana ni mfumo wetu wa sheria una macho ama watendaji wenye dhamana ndio wanaoangalia na kuifanya sheria kuwa na macho na kuipotezea imani yake kuwa sheria ni msumeno!

Nimemshangaa jaji mkuu amabye ameshangazwa na kitendo cha wasalama kumpitisha kigogo katika mlango unaotumiwa na mahakimu, hivi hajui kuwa watuhumiwa wengine ni mahakimu tayari, kwenda mahakamani kwao ni kama kuwazuga tu na ndiyo maana wakati wanaogoma wanarundikwa kwenye makarandinga wao wanaletwa na taksi amabyo inalindwa na polisi wenye silaha ili kutotota nafasi kwa 'washenzi' kutotoa habari kwa umma.

Najiuliza wale ndugu wa mtuhumiwa waliowafanyia uhuni wapigapicha wa habari corparation walikuwa wanajua kuwa ni lazima ndugu yao atapewa dhamana! Hivi kama hakimu angekataza dhamana nani angeshambuliwa na ndugu hawa amabo mahakama waliifanya kama sehemu ambako mwali anatolewa kwa kwenda na kanga huku walinzi wa usalama wakiwaangalia kana kwamba wanachofanya kinaruhusiwa.

Ingekuwa ni 'kapuku' kweli angeruhusiwa kwenda hata na 'leso' ikiwa tu simu ya kapuku ikiita basi hima askari atakufuata na kukugombeza huku hakimu akitishia kukuadhibu kwa kuleta kelele kortini.

Sheria haina macho lakini waliodhaminiwa na wanachi kuitunza na kuiimarisha wamekuwa wabaguzi huku vigogo wakikrimiwa na walalahoi wakinyanyaswa hata kwa kufanya mepesi dhidi ya mazito yanayofanywa na vigogo

2007-03-17T11:08:00.000+03:00

ETI TIMU YA MNMA KAMA 'ASENO'

Ni jana tu ambapo wanachuo walishuhudia timu yao ya mpira wa miguu ikicheza na timu ya vijana wa mtaani wanaojulikana kama 'nantes' timu ambayo mfadhili wake mkuu inaaminiwa ni mhasibu wa chuo cha kumbukumbu ya mwalimu nyerere ndugu Magulumengi.

Ikicheza kitimu timu ya chuo ilikukuwa ya kwanza kuliona lango la wapinzani wao kupitia kwa mfungaji wake makini Magesa aliyefunga bao tamu baada ya kupata pasi safi toka kwa kiungo mfungaji Marijani.

Bao hilo liliwafanya wageni wachanganyikiwe huku kiungo wa nantes Dinno akihangaika kuipita ngome ya chuo iliyokuwa chini ya ulinzi wa dogo Allan. Hadi kipindi cha kwanza kinakwisha chuo walikuwa wakiongoza kwa goli moja.

Kipindi cha pili timu ya wageni ilifanya mabadiliko yaliyosaidia kupatikana kwa goli la kusawazisha lililofungwa dakika 20 baada ya kipindi cha pili. Bao hili liliwaduwaza chuo na kujikuta wakicheza bila mpangilio na mabeki wakicheza faulo zilizosababisha chuo kufungwa goli la pili. faulo iliyopigwa dakika za majeruhi pembeni mwa lango la timu ya chuo ilizaa goli lililowaduwaza wachezaji na mashabiki wa chuo kwani licha ya kuwa timu yao ilifungwa bali lilimaanisha uteja wa kudumu kwani tangu 2005 timu ya chuo haijawahi kuwafunga vijana wa nantes ambao huongozwa na kapteni mwenye maneno mengi Ben Shoo.

Pamoja na mabdiliko makubwa yaliyofanywa na chuo ya kuwaingizi Chidi, Munga na seki timu ya chuo ililala na kumwacha mshabiki ambaye hujifanya kocha hanzuruni akiapa kutoshangilia tena timu ambayo haina dhamana.

Mashabiki walioongea na mwandishi wa blog hii walionekana kukerwa na kufungwa huku na wakaifananisha timu yao kama timu ya aseno ambayo mbali na kucheza mpira na kuumiliki kwa muda mrefu alkini wamejikuta hawana chao msimu huu.

2007-03-14T13:25:00.000+03:00

NIPO NDANI YA MCHEZO!

Msomaji wangu tegemea kitu adimu toka katika blog hii, kinakuja

2007-03-08T15:17:00.000+03:00

SIKU YA WANAWAKE DUNIANI!
JAMII IWAANGALIE WANAWAKE WAJAWAZITO!!!

Nimeamua kuandika waraka huu nia kubwa ikiwa ni kutaka kukuonesha wewe msomaji adha wanayoipata wanawake wengi wa Kitanzania hasa wanapokuwa wajawazito. Wanawake wajawazito hasa wale wa vijijini wanapata wakati mgumu sana na unaoogopesha pindi wanapokuwa wakifuata huduma ya 'kujifungua' katika hospitali za serikali.

Hospitali nyingi za serikali zimekuwa si rafiki wa wajawazito hasa wale wanaotoka vijijini ambako umaskini humsabahi kila mtu katika nchi hii inayohubiri maisha bora kwa kila mtanzania. Wanapofika hospitali wanalazimika kununua mahitaji ya kupatiwa huduma ilhali serikali imetangaza kuwa 'vifaa' hivi hupatikana bure kwa wote, hii si kweli.

Wanahitajika kujinunulia vifaa hivi ambavyo kwao ni ghali sana na wengine huamua kabisa kuacha kwenda hospitali kwani masaibu watakayokutana nayo huko yanatisha.

Kuna baadhi ya hospitali, tena nyingine zipo mijini kabisa kina mama wajawazito wamekuwa wakirundikwa wodini kama magunia ya viazi, huku kitanda kimoja kikilaliwa na wajawazito wawili 'wenye bahati' na wasiona bahati basi wasubiri saa katika sakafu.
Ni serikali yenye jukumu la kuhakikisha kuwa hospitali zake zina si huduma bora na vifaa tu bali wahudumu wapo wa kutosha na wanaowezestoa huduma kwa kila mmoja bila kujali hali ya kipato chake.

Leo tunapoungana na wanawake kushehereke siku yao duniani ni jukumu la kila mwanajamii na serikali kujiuliza wanawake wajawazito wanasaidiwa vipi

2007-03-08T15:07:00.000+03:00

PONGEZI ZANGU KWA MAMA KATIKA SIKUKUU YA WANAWAKE DUNIANI!!!

Mama, mwanao nakuandikia waraka huu mfupi kwa ajili ya kukupongeza na kukushukuru kwa yote uliyofanya na unaendelea kuyafanya nia kubwa ikiwa ni kuhakikisha kuwa mwanao ninakuwa 'huru'. Mama, leo unaungana na wanawake wengi duniani kusheherekea siku hii nzuri na inayoheshimiwa na kila mwanadamu. Nakupongeza mama yangu kwa kuwa makini katika kuhakikisha ninakuwa na ustawi ulio mzuri na wenye maisha mazuri.

Nina mengi ya kukuandikia kuonyesha furaha yangu wakati unaungana na wenzako katika siku hii muhimu, sitaki nikuchoshe ila tu tambua ya kuwa u mwanamke bora zaidi na unastahili yote jamii inayoweza kutoa kwa ajili ya ustawi wako ambao unamaanisha ustawi wa jamii nzima.
Hongera mama

2007-03-08T14:41:00.000+03:00

LEO NI SIKU YA WANAWAKE DUNIANI!!!!

Wanawake duniani kote leo tarehe 8mwezi wa 3 wanaungana wote duniani kutambua siku yao. Jamii nyingi duniani zinawachukulia wanawake kama binadamu wa 'pili' huku wanaume wakiwa ni wa kwanza bila kujali mchango mkubwa unaoletwa na wanawake katika suala zima la kuleta maendeleo kwa taifa na familia kwa ujumla.

wanawake ni muhimu sana kwa taifa kwani ukiachana na jukumu lao kubwa la kuongeza 'wanachama' katika taifa, wamekuwa ni mstari wa mbela katika kujenga jamii bora kabisa kwa kujenga misingi imara ya tabia za watoto na hivyo kuwa kichocheo kikuu cha maendeleo ya jamii.

Jamii zetu kwa sasa zimebadilika sana katika suala la kumtambua na kumthamini mwanamke, hapo zamani mwanamke alikuwa anabaguliwa na familia katika suala zima la elimu lakini kwa sasa hali ni tofauti kwa uwezo wao mkubwa darasani na mawazo yao endelevu vimechangia kujenga misingi madhubuti katika nyanja ya elimu. Kwa nchi kama tanzania, wasichana miaka miwili mfululizo wamekuwa wakiongoza katika matokeo ya mitihani ya kidato cha nne na sita. Hii imeongeza changamoto kwa jamii kuona kuwa mtoto wa kike anafaa sana kusomeshwa na kama ule usemi wa msomi maarufu unaosema 'kumwelimisha mwanamke ni kuelimisha jamii' unatimia

2007-03-07T12:06:00.000+03:00

ETI KIKWETE ANASAFIRI SANA!!!!!!!

Ni majuzi tu rais wetu mpendwa na ambaye pia ni mwenyekiti wa chama chetu kinachodumu amerejea kutoka safari ambazo sasa zimekuwa ni za kawaida kwake. Inawezekana watu wanaolaum safari hizi hawajui kuwa huyu aliwahi kuwa waziri wa mambo ya nje! Wewe unaonaje, unadhani hajasahau kuwa cheo sasa ni kipya?

2007-03-07T11:54:00.000+03:00

HATA BLOG HII INABADILIKA!!!!

Msomaji wa machweo, nimekuwa nikikuandikia kuhusu mabadiliko makubwa yanayoendelea hapa chuoni ikiwa ni pamoja na mabadiliko ya jina la chuo cha kumbukumbu ya nyerere mpaka kuteuliwa kwa viongozi wa kuongoza chuo na kubwa zaidi maktaba ya kompyuta kuanza kutumika.

Kwa mabadiliko haya, nami pamoja na waandaaji wa blog hii tunajipanga ili kuiboresha blog hii ivutie na pia kuongeza 'utamu' kwako msomaji.

Kwa sasa unapofungua blog pembeni utaona viunganishi ambapo utaweza kutembelea blog nyingine za kiswahili ikiwemo ya Ndesanjo, Mkina, Ngurumo na ile ya katuni za Kipanya.

Mengi yanakuja nami nawaahidi kuwapa kile mnachoona kinafaa, tafadhari msisite kutuma maoni yenu katika blog hii

2007-03-02T13:19:00.000+03:00

NI MABADILIKO TU KILA KONA, UMEYAONA MASHANGINGI...

Leo imekuwa ni siku njema na ya furaha sana kwa walioteuliwa kushika nyadhifa hapa chuoni, kama huna habari ya uteuzi huu ngoja nikupashe kidogo. Juma lililopita bodi ya chuo chini ya m/kiti dr Salim A. Salim iliwateua ndugu Mushi na ndugu Luambano kushika nyadhifa za juu kabisa hapa chuoni, Mushi aliteuliwa kuwa naibu wa mkuu wa chuo na Luambano kuwa msajiri wa chuo, hii imekuwa ni habari njema kwao.

Licha ya uteuzi kumaanisha 'posho' kuongezeka na majukumu tele lakini uteuzi huo umeendana na kuletwa kwa 'mashangingi' magari mazuri ya kifahari (sema ya anasa) ili kurahisisha utendaji kazi wa vionngozi hawa.

Jumuia tumeombwa kutoa ushirikiano kwao lakini hatujaona sehemu wao walipoombwa kutoa ushirikiano kwetu, labda tutapata lifti! Tusubiri tuone

2007-03-02T12:55:00.000+03:00

WAMESIKIA KILIO CHETU, SASA TUPO MTANDAONI!!!!!

Niliwahi kukuandikeni kuhusu kutokuwapo kwa huduma ya kisasa ya intanet hapa katika chuo cha kumbukumbu ya mwalimu nyerere, kwa sasa hii leo inaweza kuwa ni historia kwani kwa muda huu ninapokuandikia nimo ndani ya chumba ambacho zamani kilikuwa kimefungwa kwa makufuri makubwa ya solex na milango ya vyuma yakihifadhi kompyuta, ninakuandikia habari hii huku mwalimu wa somo akiwa pembeni.

Wanachuo sasa hatuna haja kwenda 'ferry' ili kupata huduma hii muhimu ambayo baadhi ya 'watu' wanaiona kama ni ya anasa.

lakini kikubwa kinachoonekana hapa ni ratiba ya kuingia madarasani kwani kuna baadhi ya wanafunzi wanaamua kushinda 'lab' wakiamini mtandao ndo kila kitu, labda ni 'ugeni'.
Tusubiri tuone mabadiliko ambayo yameendana kabisa na uongozi mpya wa chuo

2007-02-16T19:05:00.000+03:00

BARABARA YA KATI INAHITAJI MIUJIZA...!!!!!

Wiki jana nilikuwa ndani ya basi toka Dar kuelekea Mwanza kwa ajili ya kukamilisha utafiti wangu kuhusu kuongezeka kwa wapigadebe katika vituo vya mabasi. Chuo kilitoa muda mfupi uliolazimu sisi tunaotoka mikoani kutafuta usafiri wa haraka ili kuwahi kalenda. najua unafikiria ndege, kwangu mimi usafiri wa haraka si ndege, ni basi.

Tuliondoka kwa basi la Mohammed ambalo nalo kama ilivyokuwa kwa barabara ya kati toka dodoma kwenda singida, lilikuwa ni bovu isivyo kawaida kiasi cha kutulazimu kuingia Dodoma saa 4 usiku. hata hivyo hii si ishu yangu ya leo, leo nataka kuongelea ubovu wa barabara hii maarufu kama njia ya kati.

Barabara hii ni mbovu sana na hasa katika kipindi hiki cha mvua, maeneo ya manyoni na baadhi ya vipande vya tinde hali ni mbovu sana.
Hali hii inashangaza sana kwani serikali kuanzia ile ya awamu ya tatu ilikuwa ikihubiri kwamba ni mapema tu mtu ataweza kutoka mwanza mpaka mtwara kwa gari dogo 'tax'.

Kandarasi aliyepewa kufanya shughuli ya kujenga barabara hii angekuwa ni mtanzania basi tungesema ni ndugu wa kigogo lakini kwa kuwa ni mgeni basi hapo kwa akili ya kawaida kabisa tuliyozoea sis basi tunasema kuna mtu kala, kwani huwezi kumpa mkandarasi asiye na uwezo kazi kubwa kama hii.

Nitakuandikia tena kuhusu tatizo la usafiri ambalo kwa kuwa viongozi wanatumia usafiri wa haraka,ndege, kwao si tatizo

2007-02-01T17:03:00.000+03:00

KUKOSEKANA KWA HUDUMA ZA KOMPYUTA CHUONI KUNA SABABISHA USUMBUFU KWA WANAFUNZI......

Unashangaa kuona kichwa hicho, najua unategemea kabisa hili kutokuwa tatizo katika chuo tena cha kumbukumbu ya mwalimu nyerere. Umekosea.

wakati shule zinazoitwa za 'academy' (sio academy ya mwalimu nyerere) siku hizi watoto wanafundishwa kompyuta, hali hii ni tatizo hapa chuoni kwani ukitaka kufahamu ni wanachuo wangapi wana uwezo wa kutumia kompyuta basi idadi yao itakusikitisha na kukufanya labda ufikiri kuwa hapa kumejaa ubabaishaji tu.

Sio kwamba kompyuta hakuna, la, zipo kama 40 lakini zima ndani ya vyumba vyenye milango ya chuma na mlinzi nje kuhakikisha kuwa hakuna anayechungulia na kuona vitu vya ajabu, kompyuta.

Mkuu kateuliwa na labda tunaweza kuanza kuiona kompyuta 'live'

Tungoje na kwa wale wasiojua basi wasubiri au waende wakajiandikishe katika akademia za kitoto

2007-02-01T16:52:00.000+03:00

KAULA TENA!!!

Kila mmoja alikuwa na mshawasha wa kutaka kujua ni nani atashika nafasi ya ukuu wa chuo cha kumbukumbu ya Mwalimu Nyerere, wengi walikuwa wakifikiria mabadiliko......

Majuzi waziri wa elimu ya juu kafanya kile ambacho alipaswa akifanye, kuteua mkuu wa chuo nafasi ambayo ilikuwa inashikiliwa na daktari Magotti ambaye pia ni kada mkubwa chama tawala CCM.

Uteuzi umefanyika na aliyeteuliwa kuwa mkuu wa chuo ni yuleyule aliyekuwa akikaimu na ambaye amekuwa mkuu wa chuo tangu kilipokuwa chuo cha chama na sasa chini ya serikali.

Ndiyo, jina jipya la chuo lakini mkuu yuleyule, hii ina maanisha kuwa tutegemee mengi na makubwa toka kwa kiongozi mkongwe.

machweo inamtakia dr Magotti kazi njema na itampa ushirikiano wa kutosha kama tulivyoombwa na msarifu ambaye naye ana kaimu nafasi hii, kwa maoni yetu sisi wana machweo tunadhani hata msarifu arudishwe yuleyule na pia korando likarabatiwe liwe jipya.

2006-12-28T15:08:00.000+03:00

UNAFIKI WA WAANDISHI KTK KUPONGEZA MWAKA MMOJA WA KIKWETE MADARAKANI

Naaam, rais wa jamhuri ya muungano wa Tanzania JMK ametimiza mwaka mmoja tangu watanzania wamuamini katika kuwaongoza.
Mwaka mmoja si kipindi kizuri cha kuamua na kutoa tathmini ya kilichofanya na mtu tunayetegemea atuongoze kwa miaka mitano.
Waandishi wengi sana wamejitokeza kutoa na kuelezea mafaniko ya rais ndani ya mwaka huu mmoja, kila mmoja amemsifu na hii ni haki yake.
Tunajua kabisa rais amekuwa ni kipenzi cha waandishi wengi tangu enzi za mchakato wa uchaguzi na mpaka anakuwa rais, kwa hali hii si rahisi kwa watu waliokuwa wakimtukuza kama mtu mwajibikaji kuanza kumtenga na kueleza uhalisia.

Kwa upande wangu mimi sioni mafanikio yoyote kama baadhi ya waandishi wanavyotaka kutuaminisha na vyombo vyao, tazama hali ya usafiri kwa wakazi wa Kigamboni jirani kabisa na ikulu, siwezi kuyaona mafanikio ya kodi tunazoambiwa zinakusanywa kwa mabilioni wakati hakuna pantoni la uhakika, au hawa waandishi wanataka tufe baharini na waandike habari za kiongozi kuja kuwatembela ndugu zetu.

Hizi sifa anazopea JMK ziangaliwe tena kwani hakuna mabadiliko yoyote

2006-12-28T14:57:00.000+03:00

HERI YA MWAKA MPYA

Wapendwa wasomaji wa blog hii, ninapenda kuwatakia baraka na mafanikio katika mwaka mpya wa 2007

Machweo inaahidi kutochoka kuwapa kile ambacho kinafaa kwa macho na akili zako, na kwa mwaka huu 07 tegemea makubwa zaidi

2006-12-23T16:54:00.000+03:00

HE!!! INAWEZEKANA.......

Juzi tumekuwa na kikao na mshauri wa wanafunzi (mwaka wa pili) kikao kilikuwa na mabo mengi yaliyoongelewa kikubwa ikiwa ni masuala mbalimbali ambayo wanachuo tunaona hayaeleki kwa kuwa hayajawekwa wazi na uongozi, kwa mfano suala la ada pamoja na utafiti , inakuwaje tunatoa pesa nyingi kila mwaka wakati utafiti tunaufanya kwa mwaka mmoja tu, pia tunalipa kodi kubwa ya pango (21000/=)kila mwezi ilhali huduma katika hosteli ni mbovu hususani ubovu wa makabati na upungufu wa matundu ya vyoo, hebuchukulia mfanowa hosteli ya Kizota juu ambayo inawakaazi karibu 70 lakini wote hawa wanategemea matundu mawili ya vyoo pamoja na milango minne ya mabafu!
Huduma ya chakula inatolewa na mtu mmoja tu, kwanini, ina maana hakuna watu wengine wa kutoa huduma kwa wanafunzi hasa ukizingatia kuwa mtoa huduma huyu hatoi huduma zinazoendana na namba ya wanachuo! Nani katika menejimenti anamlinda,kwanini serikaliya wanafunzi inasema kuhusu tatizo hili na blahblah toka kwa utawala ndo zinatawala!

Usiogope! haya yalijibiwa na mshauri ambaye kwa kweli alijitahidi sana kupunguza jazba za washikadau!
Hii ndo hali halisi iliyopo hapa chuoni na labda tutegemee mabadiliko kwani ukarabati uliochukua muda mrefu kuliko ujenzi ndo kwanza upo katika hatua za mwisho huku sisi wanachuo tukikosa maktaba na hivyo kufanya masomo yetu kuwa magumu hasa ukizingatia kuwa kutegemea maktaba za nje ni ghali kwa mabo ya kivuko ambacho kinachukua muda mrefu kuvusha watu huku ratiba ikiwa inatukaba kwa sana. Hii yote tisa ni hili lililotokea mkutanoni lilianza hivi...

baada ya dean kutoa nafasi kwa wanachuo kuuliza maswali na kutoa yote yanayowakereketa, akasimama mwanadada wa kozi ya Gender anaitwa dada Agnes, huyu ni mlemavu wa macho, haoni na kwa hapa chuoni yupo peke yake.

Aliposimama kuongea kila mtu ukumbini alinyamaza ili kusikiliza nini anasema, akiongea kwa sauti inayosikika masikioni kwa uzuri kabisa aliyatoa yake mengi na hasa lile ambalo yeye analiona kwamba kuwepo kwake hapa chuoni kumekuwa ni mzigo na inawezekana kwa kuwa chuo kimemuona ni mzigo kimeshindwa kuwapa nafasi walemavu kama yeye walioomba nafasi za masomo chuoni.

Yeye anakabiliwa na matatizo mengi katika kujisomea kwani gharama zote zinamwangukia yeye na chuo kinashindwa kumsaidia japo kwa kumtafutia karatasi za kuandikia. Alijaribu kuwapatia management anuani za mashirika ambayo yanawasaidia watu wenye matatizo kama yake lakini anashangaa hakuna chochote kilichoendelea, hajapata msaada.

Wote tulinyamaza na sikia jibu hili toka kwa Dean "si kweli kwamba chuo kinakuona wewe kama mzigo, kinajivunia kuwa nawe hapa na hata huwa naona wageni wanapotutembelea hapa huelezwa kuwepo kwako hapa". Naam, tulishukuru kwamba mshauri mwenyewe aliahidi kumsaidia dada huyu ili aweze kufanikisha kile kilichomleta hapa na kumwelewesha kwamba chuo hakina noma na kuwepo kwake hasa ukizingatia vyuo vyenyewe ndo hivi tu.

Kikao hakijaisha, nitakuwa nikikutaarifu kadri siku zinavyokuja kwani kuna fukuto ambalo linahitaji majibu na kwa hulka ya 'wakubwa' labda wanasubiri kitendo kitokee ndipo waseme wanavyoona ni sahihi kwa wanachuo kufanya

2006-12-23T16:44:00.000+03:00

Miaka 45 ya uhuru: viongozi huru wenye suti za kikoloni

Naam, sherehe za kuadhimisha miaka 45 ya uhuru wa Tanzania (ipi ilipata uhuru, Tanganyika au Tanzania!) zimemalizika na kamati imevunjwa huku waziri mkuu akijipanga tena kuongea na wafanyabiashara ili wasaidie katika maandalizi ya sherehe zijazo.

Sherehe hizi zimefanyika kama kumbukumbu kuadhimisha uhuru wan chi yetu toka kwa wakoloni, waingereza ambao walipewa jukumu la kuwa waangalizi (Tanganyika became the british protectorate) wan chi yetu kwani Un haikuwa watawala na mnamo tarehe 9desemba 1961 bendera ya malkia ikashushwa na bendera yenye rangi nne kumaanisha Tanzania ikapandishwa.

Miaka 45 si mingi sanakwa miaka uhai wa taifa japo si haba kujivunia miaka hii tukiwa huru, na kwa kufikisha miaka hii hakuna haja ya kuacha kusheherekea kwa mbwembwe na majivuno mengi kuonesha ni nini maana ya kuwa huru.

Kusheherekea uhuru ni jambo muhimu sana yaani ni kama mtu wa kawaida anaadhimisha ‘birtday’ yake. Uhuru unamaanisha hali na uwezo wa kujiamulia mabo yako bila kuingiliwa na nchi au taifa jingine (sovereignity).

Sherehe za mwaka huu zimekuwa tofauti kidogo na zile zilizokuwa zikifanywa na wamu zilizopita. Hizi zilikuwa ni za ari mpya, nguvu mpya na ari mpya.

Zimekuwa ni tofauti kwa maana ya kwamba hizi zimeendana na mkesha wa nguvu uliooneshwa moja kwa moja na luninga ya taifa (TVT). Hii iliwapa nafasi watanzania wote kushuhudia sherhe hizi zilizoambatana na tatizo la kukatika katika kwa umeme..

Suala la kukatika kwa umeme siyo ishu iliyonishawishi na kunivuta kuandika kuhusu maadhimisho haya. Na wala sitaongelea suala la waziri mkuu kuwaomba wafanyabiashara wakubwa wajitokeze kuchangia na kufanikisha sherehe hizi zinazokadiliwa kugharimu bilioni moja na ushee pesa za kitanzania.

Wengi wameongelea kuhusu sherhe hizi, wapo waliohoji kuhusu suala la ni nchi gani iliyopata uhuru, mwandishi nizar visram yeye anashangazwa na tukio la waziri mkuu kukutana na wafanyabiashara ili wafanikishe sherehe hizi, kwake hili ni kama kuibinafsisha siku muhimu kwa watanzania wote.

Wanasosolojia nao hawakuwa kimya katika kuadhimisha shehere hizi zilizoshuhudia kwa mara ya kwanza madege yetu ya kivita yakipita kwa mbwembwe kusherehekea siku hii muhimu, wao wamehoji kuhusu ni nani hasa anayesheherekea siku hii kwa watanzania. Kwao matabaka yanayojitokeza nchini yanawafanya wahoji je ni kweli sherehe hizi ni za wote au ni kwa baadhi ya watanzania? Haya yameongelewa na si vibaya kuyajadili katika nchi hii inayoadhimisha miaka 45 ya uhuruhuju pengo kati ya maskini likiwa linaonekana wazi, maendeleo ya mijini na vijijini yakiwa na tofauti kubwa na huku mipango ya maendeleo vijijini ikijadiliwa na watu wa mjini.

Sasa turudi kwenye mada kwani isije nikaonekana nataka tu kujaza kurasa, lakini hata hayo niliyoyagusa ni muhimu yakajadiliwa na pia yatatuongoza katika kutambua mada ya leo.

Mavazi ni kitambulisho kikubwa cha uataifa wa mtu kama zilivyo pesa, wimbo wa taifa pamoja na ramani ya nchi. Leo hii ukiangalia nchi huru nyingine za kiafrika utaweza kuwatambua raia wan chi hizi kwa kuyaangalia mavazi wanayovaa, hebu chukua mfano wan chi za Nigeria, Ghana na afrika kusini. Tanzania na uhuru wetu bado hatuna vazi letu la taifa.
Katika mkesha wa kukaribisha saa sita,pale mnazi mmoja, wote tutakuwa mashahidi kwa namna viongozi wetu walivyokuwa wamependeza katika mavazi mazuri ya gharama toka magharibi. Kwa kifupi mavazi hasa yaliyokuwa yamevaliwa na viongozi yalikuwa ni kama tunaadhimisha uhuru wa nchi moja ya kimagharibi.

Tumeshuhudia umati wa watanzania waliohudhuria mkesha huu wakiwa na mavazi ya aina tofauti, huku wengi wasio jukwaani wakiwa ndani ya mavazi yaliyo kwenye ‘chati’ kwa sasa miongoni mwa watu wa chini ‘mitumba’.

Huku mkesha ukiambatana na ulipuaji wa baruti, tumeshuhudia viongozi wetu waliokuwa wakishuka toka katika magari makubwa nay a gharama wakiwa ndani ya suti nzito na za gharama. Tumeshudia viongozi wanaume wakiwa ndani ya suti nzito toka kwa wabunifu wa kimagharibi, mavazi ambayo yanaonesha kabisa kwamba inawezekana tukawa tunajitawala kwa kufikiri na kuvaa kimagharibi! Angalau mavazi yaliyokuwa yamevaliwa na wanawake viongozi yalijaribu kuonesha utamaduni wa kiafrika kwa kuuvaa Unaijeria na Ughana.

Kwa maisha ya leo yawezekana kabisa baadhi ya watu wakaona suala la mavazi ni ishu ndogo sana kiasi cha kujadiliwa katika kuadhimisha miaka 45 ya uhuru wan chi yetu. Kwangu hili ni suala la kujadili kwani kujitawala ni pamoja na kuonesha waliotutawala kwamba sasa sisi tuko huru yaani tunaweza hata kuwa na maamuzi katika mavazi ya kuvaa.

Uhuru una maana nyingi sana ikiwa ni pamoja na kuonesha hali ya kuwa na maamuzi katika utamaduni wako unaoongoza maisha yako ya kila siku. Mavazi ni sehemu ya utamaduni.
Utamaduni ni zaidi ya ngoma tunazozishudia zikialikwa kutumbuiza katika sherehe hizi. Ngoma kwa sasa kwa baadhi ya watu zimekuwa zikionesha ukale, kinachotamba sasa ni utamaduni wa ‘bongo fleva’. Tumeshuhudia kila mara vikundi vya ngoma vilipokuwa jukwaani havikupata mapokezi mazuri toka kwa hadhira lakini pale walipopanda ‘wanaume tmk’ wakiwa wamevaa mavazi ya kisasa kelele za kushangilia zililipuka. Huu ndio utamaduni tunaoushabikia sasa na miaka 45 ya uhuru.

Mwandishi mahiri katika suala la utamaduni wa mwafrika, mwanazuoni Kihumbi Thairu (the African Civilization) anawashangaa wale wote wanaodharau mavazi yetu na kukumbatia mavazi ya kigeni yasyojali hali ya hewa na mazingira ya nchi zetu za kiafrika. Mavazi haya ya kigeni tunayoyavaa sit u kwamba yanashindwa kututambulisha sisi ni kina nani bali yanatufanya tukose sababu ya kusheherekea uhuru wan chi yetu.

Kwa jinsi kila kitu kilivyokuwa kikifanyika pale mnazi mmoja huku kila mmoja akiwa katika vazi lake ni uthibitisho tosha kwamba kwa sasa tuko huru kweli kweli na mwingereza hana chake tena..

Jukwaa zima lilikuwa limetawaliwa na mavazi ambayo hayakuonesha maana ya kusheherekea uhuru wetu. Miaka 45 ya kujitawala ni mingi sana kuweza kujiamulia ni nini tunapenda kuvaa, baadhi yetutumechagua kuuvaa umagharibi ndani ya umaskini wa uhuru.
Natambua juhudi zilizofanywa na baadhi ya watu waliokuwa na mapenzi ya kutupatia watanzania kitambulisho kwa kubuni vazi la taifa. Hii ilikuwa nikipindi cha miaka ya 2000 na ninakumbuka kwamba baadhi ya wabunifu walifika mpaka kule Dodoma nyumbani kwa bunge la watanzania.

Kama ilivyo kawaida ya waswahili ‘watu wa ahadi’ suala hili sasa hakuna anayeliongelea na hata vazi lililoshinda nadhani sasa litakuwa limepambwa makumbusho kwa ajili ya kuvionesha vizazi vjavyo kwamba hili ni vazi la kitanzania ambalo halikuwavaliwa kwani wazazi wao walikuwa wakivaa mavazi mengine kwa kuwa tu walikuwa huru, wenye uwezo wa kujiamlia mabo yao wenyewe bila kuongozwa na mtu mwingine.

Kwangu mimi tofauti niliyoiona katika upande wa mavazi ina maanisha vitu vingi sana ikiwemo suala la kuibuka kwa matabaka katika jamii yetu. Matabaka ambayo yanashindwa kuelewa maana ya uhuru wa nchi yetu.

Mika hii 45 ya uhuru na mavazi yaliyovaliwa na wakati wa sherehe hizi na hasa yale ya viongozi wetu yanaonesha kabisa kuwa sasa uhuru wetu umekuwa ni kwa ajili ya kuchangisha pesa toka kwa wafanyabiashara wakubwa ili kufanikisha sherehe hizi ambapo mtanzania wa kawaida anaishia kukesha akiwa amevaa mavazi yasiyoeleka hasa mitumba huku viongozi wakijichana wakiwa ndani ya suti nzito zilizobuniwa na wabunifu toka kwa wale tuliokuwatukiwaita wakoloni na mabeberu.

Kwa kuona kwamba katika sherehe hizi hakuna aliyekuwa uchi, basi sula la vazi la taifa si muhimu hasa ukizingatia kuwa nchi yetu na utawala huu una mambo mengi ya kuonesha sasa tuko huru. Kila mmoja amevaa nguo anayoitaka na kumudu kununua kutokana na ruhusa ya kipato chake. Kwa kuwa na mambo mengi ya kuleta maisha bora kwa kila mtanzania suala la mavazi si la kujadili kwa sasa

2006-12-23T16:36:00.000+03:00

SIKUKUU NJEMA WASOMAJI!!!

Ni kipindi kingine tena msomaji wa blog hii ambapo wakristo wote wanaungana na wenzao wengi duniani katika kusheherekea sherehe 'birthday' ya mkombozi wa maisha yao Bwana yesu Kristo. Hii ni siku kubwa na inatukumbusha juu ya nafasi yetu tuliyonayo katika kutekeleza lile lililotuleta duniani na tunahitajika tufanye nini ili tuingie mbinguni(kwa wanaoamini katika hili tu-wakristo)
Machweo inapenda kuwatakia watu wote msimu mzuri wa sikukuuza 2006 pamoja na Heri ya mwaka mpya 2007

2006-12-18T21:18:00.000+03:00

CHUO KIKUU BILA MAKTABA!

Huu ni ukweli! Unashangaa chuo kimoja hapa mjini tena cha serikali kinatoa elimu ya juu bila kuwa na maktaba ambayo jengo lipo ila linakarabatiwa. Tunaunda wasomi wa vitini na madesa. Hii ndo bongo kila kitu usanii, fikiria mkandarasi wa kujenga jengo la wizara ya maendeleo ya jamii amemaliza jengo la ghorofa saba na kumshinda mkandarasi wa hapa chuoni ambaye alikuwa na kazi ya kukarabati milango na kupaka rangi, hii tenda ina walakini kwani wanaoumia ni wanaolipia huduma hii ya elimu na wanaofaidika na ukosefu wa maktaba ni wale waliosaini mkataba wa kuruhusu ukarabati.

Ukarabati umechukua miezi minne na sehemu na mpaka sasa hakuna kilichokabidhiwa kwa chuo ila jengo linang'aa kwa rangi nyeupe

2006-12-18T20:35:00.000+03:00

LONGOLONGO ZA RICHMOND! KUNA 'WAKUBWA' HAPO

Mmeyasikia wenyewe, hakuna haja ya kuyarudia kuyaandika malumbano yanyoendelea kati ya shirika la ugavi la tanesco na 'wasanii' wanaojiita richmond. Hawa waliingia mkataba wa kuzalisha megawati 100 za umeme kwa kutumia majenereta yao waliyotoa marikani na kuiuzia tanesko. mitambo iliwasili na baada ya mbwembe nyingi sana za kuahidi kuzalisha kwanza megawati 20 kabla ya tarehe 1desemba2006 huku wakisaidiwa na waziri wa nishati, hakuna umeme uliozalishwa.
Sasa wamekuja na longolongo ya kusema kwamba eti tanesco imewapatia gesi chafu yenye kokoto! ukiniambia gesi kuwa na kokoto kwangu mimi nitakushangaa, hivi kumbe gesi ina kokoto kama zile za kujengea zege!
bado ninalia na wale wote waliofunga mkataba na kampuni hili linalodai lina makazi yake marekani huku mwakilishi wake hapa akiwa na mkoba tu, huu ni usanii

Hivi JK anasubiri nini kuwawajibisha wanasiasa waliosani mkataba huu, wakati mwingine ninajiuliza kama waziri mkuu alikuwa na sababu ya kulijibu shairi la bwana Marwa akijitapa kuwaonesha viongozi waadilifu waliojaa tele hapa nchini, yaani wamejaa tele halafu wafunge mikataba mibovu kama hii na bado waendelee kuwa wasafi na waliojaa tele.

Jeshi la polisi lipewe kazi ya kuwasaka wote 'waliojaa tele' na kusaini mkataba huu ili wafikishwe mahakamani na sheria ichukue mkondo wake! (unakumbuka enzi za kufilisiwa)

majambazi yakikamatwa basi tv zitarusha sana ama kibaka akiwa mikononi mwa wanachi wenye hasira, kila mmoja hunyanyua mkono ili amwadhibu kibaka lakini majambazi ya peni hapa kwetu yana heshimika sana na wanaonekana mahujaa, naamini kabisa richmond wamekula na 'waliojaa tele' na wanaendelea kutanua katika magari yenye viyoyozi kwani tarehe za pcb ni nyingi kurekebisha na kuua so.
Kaeni kimya mkisubiri uongo mwingine toka kwa wasanii wa Richmond

2006-12-04T20:14:00.000+03:00

WASOMI WETU NA MIKATABA FEKI

Usiogope. Nadhani unakumbuka enzi za akina chifu Mangungo wa msovero na lile jasusi la kijerumani Karl Peters, enzi hizo watawala wetu walilazimishwa na kulazimika kusaini mikataba feki iliyowafanya wapoteze tawala zao katika nchi walizokuwa wanazitawala.

Kuna sababu nyingi zilizowanya wasaini mikataba hii, moja kubwa ikiwa ni ile hali ya kujua kusoma na kuandika lugha za kigeni. pamoja na kusaini mikataba hii feki watawala hawa wa kiafrika walikuwa wakichukua muda kuijadili na kuifikiri mikiataba hii.

Tofauti na sasa ambapo watu tuliowaamini katika kuongoza nchi yetu tajiri yenye watu wapole na wakarimu, ndio wanaotuumiza na kutufanya tukae gizani kwa kuingia mikataba ya kutunyanyasa huku wao wakifaidi 'aksante' waliyopewa na mambazi haya.

Fikiria mikataba yote ambayo serikali yetu imesaini, fikiria ile ya madini, IPTL na sasa huu mpya wa sijui inaitwa Richmond, hivi mikataba hii inamsaidia nini mtanzania wa kawaida. Ninasema wa kawaida kwa sababu sasa watanzania tunatofautiana, tuna matabaka yaani ni kama nchi za kibepali.

Mikataba hii walioisaini wapo, tunawajua na wanaendelea kula kuku tu na huku wakituimbia nyimbo za kutukaririsha ya kuwa uchumi wetu unakua! unakua au unakuwa!

Mimi si mchumi lakini siamini ukuaji wa uchumi huku nchi ikiwa haina umeme wa uhakika, ni mgao tu kwa kwenda mbele huku wale tuliowaamini kutuwakilisha bungeni wanakaa kimya na kujadili mambo hata yenye jibu tayari, wanajadili eti kuhusu vazi la spika, inamaana spika yuko uchi au wanadhani wakimnunulia spika vazi jipya ndipo watajadili hoja tunazotaka wazijadiliili.

Kwanza hilojoho akilifua atalinyoosha na nini? OOOps nilisahau kumbe wao ni tofauti na mimi, wao kila siku ni full kipupwe, full kiyoyozii

2006-12-04T20:13:00.000+03:00

2006-11-20T19:36:00.000+03:00

Kutodhibiti fedha hizi, kauli ya Kikwete itakuwa ndoto

MIONGONI mwa falsafa ambazo zinanigusa mno nafsi yangu ni msimamo wa Rais Jakaya Kikwete kuhusu suala zima la ukuaji wa uchumi.

Rais Kikwete amekuwa akisisitiza kuwa ukuaji wa uchumi unaoelezwa kwa wananchi na ama wataalamu wa uchumi au viongozi wa siasa, kwamba uchumi umekua huku hali za wananchi zikiwa duni haiwezi kuwasaidia.

Kiongozi huyo wa nchi ambaye nyota yake ya kukubalika inazidi kung’ara kwa rika zote na kwa watu wa kada mbalimbali, ana maana kuwa takwimu zilizoko katika karatasi zikionyesha kukua kwa uchumi ni ‘hesabu’ ambazo hazieleweki kamwe kwa mwenye njaa.

Idadi kubwa ya Watanzania ni watu masikini ambao hawawezi hata kuhimili idadi ya kawaida ya mlo wao kwa siku moja.

Ukweli ni kwamba Watanzania wengi hawana njia za kuwahakikishia wanapata chakula cha kutosha na chenye ukamili wake kwa ajili ya mahitaji ya mwili. Mwili huhitaji vyakula vya kujenga, kulinda na ‘kuunakshi’ ili uvutie.

Kutokuwepo kwa ‘msosi’ wao wa uhakika kunasababishwa na mambo mengi, makubwa yakiwa ni rushwa, kutotendewa haki, ubadhirifu wa baadhi ya watendaji wa umma na hujuma za kila aina zinazofanywa ili kuwanufaisha wachache katika jamii.

Juhudi za Rais Kikwete kuhakikisha kwamba kila Mtanzania anafaidi keki ya rasilimali zetu na uhuru uliopatikana kwa ‘mbinde’ zinaonekana na dhamira yake iko wazi.

Ni dhamira hiyo inayowapa moyo zaidi wa kuwepo kwa neema kwa kila mmoja wetu, ingawa bado ipo kazi ambayo inahitaji pia ushirikishwaji wa wananchi wenyewe katika kuupiga vita umasikini, ambao ulionekana kuwa chanda na pete miaka mingi iliyopita baada ya 1986.

Hata hivyo, upo mwanya ambao hakuna anauyeuzungumzia kuwa ni kikwazo katika kuwakomboa Watanzania na ‘njaa’ inayowakabili.

Njaa ninayoizungumzia hapa ni pamoja ukosefu wa makazi bora, kuzungukwa na magonjwa kibao ya kuambukiza na zaidi sana njaa ya tumbo, ambayo kimsingi ndiyo ufunguo unaozungumzwa na Rais Kikwete.

Mwanya huo ni kuwepo kwa ‘njia nyeupe’ kwa baadhi ya wafanyabiashara kupeleka fedha za kigeni nje ya mipaka ya nchi yetu bila kuulizwa na yeyote.

Hivi sasa kila mfanyabiashara wa fedha; awe Mtanzania wa kuzaliwa, kuomba au hata kudanganya, anao uwezo wa kusafirisha kiasi chochote cha fedha bila kupitia Benki Kuu au katika taasisi zinazoshughulika na masuala ya uchumi.

Haihitaji kuwa na karatasi kutoka chuo chochote kutambua kuwepo hilo na kuthibitishwa na jinsi dola ya Marekani, paundi ya Uingereza inavyopanda kila uchao dhidi ya fedha yetu, ambayo baadhi ya watu wasiokuwa na utaifa wanaziita za madafu. Sina uhakika wanayaangua wapi hayo madafu!

Kuondoka kwa kiasi kikubwa cha fedha ndiko kunasababisha mfumuko wa bei kwa kiasi kikubwa huku wahusika wakifaidi na ‘walalahoi’ ambao ndiyo wanunuzi wakubwa wakikamuliwa hadi tone la mwisho.

Hivi sasa dola moja ya Marekani ni sawa na sh. 1,335 na kwamba kesho au Jumamosi kiasi hicho kitakuwa kimeongezeka kwa asilimia 10 au zaidi. Inatisha sana hali hii.

Nguvu ya soko la dunia mara zote imekuwa ikipimwa kwa kuzingatia fedha ya Marekani, hivyo shilingi yetu zinapokuwa nyingi zaidi kwa dola moja, uchumi wetu unashuka kwa njia moja hata kama itaelezwa kinyume chake.

Zipo nchi ambapo kupata dola moja ya Marekani lazima muhusika atembee kweli kweli kutoka Benki Kuu hadi taasisi zinazohusika, ambako atapatiwa karatasi lukuki kumuhalalisha kuwa anapaswa kupata na kutumia fedha hizo.

Lakini hapa kwetu kila kitu ni bwerere…na ruksa. Ukitaka dola za Marekani nenda tu mtaa wowote, hata kama ni dampo kule Tabata, utapata tu. Hakuna haja ya kuuliza benki ziko wapi. Kwa nini ujisumbue bwana! Ya nini! Ndivyo tulivyo.

Inaweza kabisa kuelezwa kwamba KONA YANGU inahitaji kuwepo kwa urasimu uliokuwepo miaka mingi iliyopita. Hapana hiyo siyo nia yangu.

Lakini ieleweke kuwa bila udhibiti wa fedha hizo za kigeni tutakuwa tukitwanga maji kwenye kinu, na kwamba kauli za viongozi wetu zinaweza kuwa zile zile zilizozoeleka masikioni mwetu.

Hakuna maendeleo bila udhibiti wa mambo kadha wa kadha ikiwemo rushwa na dhambi nyingine, ambazo nimekuwa nikizipigia kelele kila ninapopata nafasi ndogo katika ukurasa huu kueleza.

Ni vyema sasa serikali yetu ikabuni mbinu za kudhibiti usafirishwaji wa fedha za kigeni zinazopatikana hapa nchini, ili kulinda nguvu ya shilingi yetu, hivyo kuimarisha uchumi ambao utatuhakikishia maisha bora kwa kila Mtanzania.

Inawezekana.

2006-11-06T20:12:00.000+03:00

WANAOMILIKI SILAHA WAKO TIMAMU!!!

Imetokea majuzi kwa mkuu wa mkoa wa tabora, mtoto wa mjini Dito amemuua kwa kumpiga risasi dereva wa daladala kwa kuwa tu jamaa aligonga gari la mhe. huyu lililokuwa likiendeshwa upande wa watembea kwa miguu. Hii ya kutembea kwenye service road si ishu yangu bali ninauliza hivi kweli kuna uhalali wa kiongozi wa serikali kama Dito kutumia bastola yake kumtaka dereva ashuke garini! na polisi wanatuambia eti ililipuka kwa bahati mbaya!

Naogopa sheria isije ikafumba macho. Tusubiri

2006-10-30T20:35:00.000+03:00

MASO SASA MTANDAONI

Kwa muda mrefu sasa wanachuo wa MNMA wamekuwa wakikosa ni wapi wanaweza kusemea na maoni yao kueleka kwa wengine.

MASO serikali ya wanafunzi imeanza kazi ya kuwaunganisha wanafunzi waliosoma katika chuo hiki na wale wanaosoma sasa kwa e mail ifuatayo;

masomnma@yahoo.com

Ukiwa kama mdau wa serikali ya wanafunzi hapa MNMA unaombwa kuchangia kwa kushiriki kuandika mambo mbalimbali kwa kutumia anuani hiyo. Kumbuka uwanja mpana unakuja hivi karibuni

2006-10-29T12:56:00.000+03:00

MASO-MNMA NA TEKNOLOJIA YA BLOG

Msomaji wa machweo, usitishike kusoma kchwa hapo juu kwani nahisi ni kigeni sana kwako.
MASO-MNMA ni kifupi cha jina la serikali ya wanafunzi wa chuo cha kumbukumbu ya mwl. Nyerere.

Kwa mwaka huu wa masomo2006/07 maso iko chini ya rais Hasaan Masudi, na moja ya malengo makubwa ya serikali hii ni kuwaunganisha wanafunzi wote si wa memorial tu bali wa dunia nzima kwa kuingia katika dunia ya blog.

Kwa sasa tegemea makubwa toka katika blog hii itakayokupa mengi toka kwa wanzuoni wa MNMA. Blog hii itakuwa chini ya wizara ya habari inayoongozwa na Obe Mashauri

2006-10-29T12:13:00.000+03:00

MRAMBA, BILA MWALIMU, NYERERE NI MTU MWINGINE

Hivi karibuni waziri Mramba aliutangazia umma wa watanzania kuhusu madiliko katika kiwanja cha kimataifa cha dar es salaam. mabadiliko hayo ni katika sehemu moja muhimu sana nayo ni ya utambulisho wa mgeni kujua hapa ni wapi na mwenyeji kujivuna kwa kuwa na utambulisho huo.

Mramba na timu yake wanasema kwamba kutokana na sababu za taratibu za kimawasiliano, kiwanja cha ndege cha dar maarufu kama Mwalimu Nyerere international airport sasa kitakuwa kinaitwa Nyerere IA.

mmmh! hii kweli ndo kasi mpya inayohubri mabadiliko makubwa kwa watanzania na mabadiliko haya ndiyo tunayoyaona sasa, yaani watu kwa utashi wao tu wanaamua kubadili jina la kiwanja hiki kwa kuwa tu wazungu hawawezi kutamka jina mwalimu!

Huu ni ulimbukeni na kama anavyosema msanii wa parapanda Mputo katika ghani zake 'salamu zangu' kuwa msikihubiri kiswahili kwa kukitukuza kingereza, kwani kwa miaka yote jina la nyerere shurti lianze na mwalimu na hapo kila mtu duniani hatohoji kwamba huyu mwalimu ni nani. Alijulikana dunia nzima na harakati zake zinazofundishwa kila kona ya dunia hii.

Kuondoa jina mwalimu kisa tu kuna wachache wanapata shida kutamka ni sawa na kusema JFK IA libadilishwe na kuwa unavyotaka wewe. Mbona kuna majina ya viwanja vya ndege si Africa tu bali na sehemu mbalimbali duniani ni magumu si kutamka tu bali hata kuandikwa lakini ndiyo yanayobeba viwanja hivyo.

wanamachweo wanategemea waziri na wizara yake itafanya kama watanzania wanavyohitaji bila kuhoji kwa nini!

na kwa kumalizia kwa watu wenye mawazo kama ya Mramba ni kwamba huwezi kusema nyerere ukimaanisha mwl Nyerere tunayemfahamu sisi watanzania na watu wote duniani, labda kama mnataka kutueleza kuwa jina hilo halina maana sasa.

2006-10-09T18:25:00.000+03:00

CHUO KIMEPATWA MSIBA!!!!!

Ni asubuhi ya tarehe 09/10/2006 kilamwanachuoamekwisha jiandaa tayari kwakwenda darasani,mara rais wa serikali ya wanafunzi wa chuocha Kumbukumbu ya Mwalimu Nyerere ndugu Hassan J. Masoud anaitisha kikao na wanafunzi wote katika ukumbi wa mikutano.

Hili si jambo la kawaida kwani inaashiria kuna kitu kikubwa wanachuo wanapaswa wahabarishwe, naam, maskio ya kila mmoja yanasubiri nini kitasemwa pale ukumbini na kila mtu yupo kimya. Rais anaanza kuongea ni tangazo la msiba, Msiba mzito wa kaimu naibu mkuu wa chuo ndugu O. K. Temwende

Ni majonzi chuoni na kila mtu haamini kwamba mtu waliyekuwa naye siku moja kabla ametutoka. Kila mmoja anasema analojua na aliloona, wengi tuliongea naye siku ya ijumaa kuhusu tatizo la ada, wengine wakawa naye katika bar ya chuo.

Najua wapo wengi wanaoweza kusema mengi juu ya mwanataaluma huyu, nami pia kwa muda wa kama mwaka mzima tangu nijuane naye chuoni nina mengi yakukumbuka na kujiuliza na kama si kukilaum kifo kwa ukatili uliofanya juu ya mwanazuoni huyu na kada mwaminifu wa chama cha mapinduzi.

Temwende alisoma shule ya Ndanda sekondari zamani sana ikiwa chini ya wabenediktini wa Ndanda shule ambayo miaka ya 90 ilichukuliwa na serikali ambapo nami nilipata elimu ya juu ya sekondari miaka ya 2000. Alipata elimu ya juu katika vyuo mbalimbali vya ndani na nje ya nchi na ninachoweza kukumbuka ni pale alipokwendakuchukua masomo ya juu katika moja ya nchi zakisosharist akiwa na A. Mrema kada mwingine wa CCM enzi hizo ambaye sasa ni Rais wa TLP

Darasani marehemu Temwende atakumbukwa kwa kuwa muwazi na siku zote alisistiza umakini na kushirikiana katika shughuli za kimasomo, alisikiliza tatizo la kila mmoja na hakusita kutoa ushauri kwa yeyote aliyeuhitaji.

Marehemu Temwende aliyezaliwa mkoa wa Mttwara alikuwa ni mwandishi mzuri wa makala na kwa wasomaji wa magazeti na hususani wasomaji wa magazeti ya propaganda ya CCM watakumbuka makala zake nzito zilizokuwa zikitolewa wakati Tanzania ilikuwa katika kipindi cha kusaka maoni uwepo wa vyama vingi katika nchi hii.

Temwende alikuwa na dhamana kubwa hapa chuoni na jinalake litabaki katika kumbukumbu za chuo kwani ni yeye aliyeongoza jopo la wahadhiri wa MNMA katika mchakato wa kukifanya chuo kuwa chuo kikuu na hivyo kutoa shahada. Alifanikiwa na matunda yake hakuna anayeyatilia shaka kwani yanaonekana. Alikuwa ni mtu wa vitendo kuliko porojo na propaganda zisizozalisha.

Kuna mengi ya kuandika juu ya marehemu Temwende aliyefariki wakati akiwa njiani kupelekwa hospitali baada ya kuugua ghafla na kukosa pumzi akiwa nyumbani kwake maeneo ya kigamboni jirani tu na ofisi zake za kazi.

Imetangazwa tuna mapumziko ya msiba lakini mambo aliyoyanya marehemu juu ya chuo na kwa kila mmoja aliyemzunguka hayatafutika na hata wengine kujilamu kwamba kwanini amekubali kufa kama padri Karugendo alivyomlaum profesa S. Chachage kwa kufa ilhali kazi waliyokuwa wameipanga kuifanya haijakamilika na kwa kuwa maisha yanaendelea, kila mtu baadaye atakuwa na furaha na pale Temwende alipokomea basi ndipo tutakapoanzia.

Bwana Alitoa na Bwana Ametwaa

Pumzika kwa Amani mpendwa wetu Omar K. Temwende

2006-09-30T19:14:00.000+03:00

KUMBE WATANZANIA TUNATUMIKISHA WATOTO!!!

Baada ya Sauper kutuonyesha jinsi tunavyokula samaki mabaki, rais alipiga sana kelele na kuungwa mkono na kila mtu ambaye kwake Darwin9tmare ilikuwa ni uongo kwa kuwa tu kasema raia namba moja.

Sasa kuna hii filam ya IRIN inayoitwa GEM SLAVES Tanzania's Child Labour yaani kwa kiswahili rahisi "utumikishwaji wa watoto katika migodi" filam hii imechukuliwa huko Mirerani wakionyeshwa wanaapollo na 'nyoka' wakifanya kazi ngumu za kutafuta tanzanite wasiyofaidika nayo.

Tumezoea kuandamana na sasa tuusubiri wakazi wa A-town waende barabarani kuilaani filam hii. na cha mno tusubiri rais atakapoenda kuongea na wazee wa arusha atasema nini, kwa kuwa atakachosema kitakuwa ni sahihi kwa watu wanaofikiri kwamba atakalosema ndilo sahii basi tujiandae kuunga mkono hata kama hatujaiona filam yenyewe kama ilivyokuwa kwa wale 'wazalendo' wa mwanza walioandamana kumpinga Sauper bila kuiona hata 'mapanki' yenyewe

2006-09-30T18:59:00.000+03:00

NIKO LIKIZO

Nadhani ni kipindi kimepita tangu niweke kitu kipya gazetini. Wengi pia mmekuwa mkiniuliza kwa sms tatizo nini mbona sionekani tena gazetini au ndo kuchoka kwa kazi ngumu ya kuandika. NO. Niko likizo na maeneo niliyopo mtandao ni tatizo na hata ukipata nafasi katika intanet gharama wanazotoza ni kubwa ukizingatia mtoa huduma yupo peke yake 'monopoly'. kwa sasa nimepata nafasi hii kwani niko jijini kwa shughuli maalum.

Wasomaji wangu kaeni mkitambua kuwa nipo na blog hii haiwezi kuwaacha peke yenu

2006-08-07T21:42:00.000+03:00

KIKWETE KAPOTOSHWA KUHUSU 'MAPANKI'

Watu wanayala sana na hao sato anaowasema wanaliwa na watu wenye uwezo kama wale waliompotosha kwa kusema kuwa wakazi wa mwanza hawali mapanki, wasaidizi wake wamemwingiza mkenge kwa nia tu ya kulinda vibarua vyao.

Mapanki ndo kitoweo cha wengi hasa waliovijijini.

Hii ndo hulka ya viongozi wengi, wanafikiri wao wanapokula vizuri na kusaza nasi twala na kutabasamu.

Sauper hajakosea hata kidogo kila alichokionyesha ni sahihi kwa sisi tunaoijua mwanza na vijiji vyake

2006-08-05T18:35:00.000+03:00

MAKAHABA TUWAFUKUZE, AU TUWAPE MITAJI WASITEGEMEE MIILI YAO?

Swali hili linatokana na hatua aliyoichukua mkuu mpya wa mkoa wa Dar es salaam bwana Kandoro.
Mkuu huyu baada ya kupewa rungu la ukuu wa mkoa muhimu wa kibiashara nchini tanzania alikimbilia maeneo ya manzese uwanja wa fisi na kuwatimua mabinti wadogo wanaofanya biashara ya kuuza miili (yeye anaiita ukahaba).

Siungani na watu wanaoshabikia kuwepo kwa mabinti hawa maeneo haya kwani licha ya kuwa umalaya/ukahaba si kitu kizuri kwa dunia ya sasa yenye gonjwa la ukimwi lakini wengi wa mabinti hawa ni wasichana wadogo kiumri(wengi wako chini ya miaka 18 miaka ambayo ni ya mtoto kuwa shule akitafuta elimu).

Sasa wamefukuzwa maeneo haya na wengine wamefikishwa mahakamani ambako mahakama imewaachia kwa kuwaona kuwa hawana hatia (ushahidi ni mgumu zaidi ya kumfungulia mtu mashtaka ya uzururaji). Kwa maana hiyo mabinti hawa wamefukuzwa toka maeneo yao na kutakiwa waondoke kwenda haieleweki wapi na wakafanye nini kwani sasa hawatakiwikujihusisha na umalaya/ukahaba tena.

Sielewi kama mkuu wa mkoa alikuwa anatafuta jina katika kurasa za mbele za magazeti yetu ama ni kasi mpya na nguvu mpya!

Unaweza kujadili suala hili, je kuwafukuza hapo ndilo suruhisha au suluhisho ni kuwaandalia mbiu nyingine za maisha kama KIWOHEDE wanavyofanya pale Buguruni. Pia ni lazima jamii ijue kuwa si Uwanja wa Fisi tu kunakofanyika uchafu huu, ni sehemu nyingi sana hapa dar na katikamiji mikubwa mingine kama Mwanza, Mbeya na Arusha

2006-08-05T17:02:00.000+03:00

KANDORO NA WAKAZI WA MABONDENI NANI ZAIDI

Wakati akiwaapisha wakuu wapya wa wilaya za jiji la dar aliwataka kuhakikisha kuwa wanafanya kazi zao na kutimiza wajibu wao kwa mujibu wa katiba. Huu kila mmoja anauelewa ili alinde kitumbua chake

Lakini amewakasirisha wakazi wa mabondeni ambao wamekuwa ni sugu na mara zote wameishinda serikali mahakamani kuhusu suala la kutoka katika maeneo haya hatari hususani maeneo ya jangwani.

Kilichonifanya niandike jambo hili ni ile kauli ya wakazi wa jangwani kwanza kumhusu Kandoro kama yeye na yeye kama mkuu wa mkoa, jiji la dar

Wengi walimweleza kama mgeni ambaye hata mjini hajakaa halafu anaanza kuwaletea longolongo wakati wao wamekuwa pale kwa miongo na watoto wao wanasoma muhimbili primary huku wakipata huduma ya uhakika ya matibabu toka hospitali ya taifa Muhimbili halafu leo Kandoro apange kuwaondoa!

Mgosi (Makamba) kashindwa atakuja yeye! tusubiri tuone kwani kasi aliyokuja nayo ya kuwatimua mabinti pale uwanja wa fisi inaweza kuwa juu ya wakazi wa mabondeni

2006-07-25T19:35:00.000+03:00

KILA MTU NI MPIGADEBE!

Hata wewe ni mpigadebe
Haya kaandika mwandishi makini wa makala katika gazeti la kila wiki RAI, huyu ni faza Priva Karugendo, nisipoteze kusema alichosema hebu soma mwenyewe na uone alivyoandika na kwa kauli yake hatakomea hapokwani ataandika mengi kuhusu hili(wakati anaandika alikuwa anawahi ndege toka mwanza kuja dar, huyu ni mwanaharakati wa mambo ya kijamii, na mwanafalsafa wa kileo,ukisoma makala yake anayomlaumu Chachage kwa kufa utaelewa ninachokisema) na hivyo usiache kusoma suala hili katika blog hii

Ndugu yangu, Asante sana kuandika. Leo hii nitakuwa Dar. NitaondokaMwanza, na ndege ya saa mbili usiku.Ukipata nafasi uniite kwenye simu. Lakini Juma lote nitakuwa ninakimbia huku na kule. Unajua, Watanzania wote ni wapigadebe! Maana yake ni kwamba: Hatufanyi uzalishaji. Mtu ananunua shati Kampala, analileta Magu, Mwingine ananunua shati lilele na kulipeleka Mwanza, wa Mwanza, analipeleka Moshi, Arusha hadi Dar. Yote hayo ni sawa na kupiga Debe. Mpigadebe, anapata pesa kwa kumleta mtu kwenye gari, ambalo hata kipofu anaweza kujua kwamba linaelekea Mwanza! Anapata pesa bila kuzalisha chochote. Mwisho wa mwezi anakuwa na pesa kuwazidi watu walioajiriwa ofisini!

Umeyaona haya, mengi yaja

2006-07-25T19:20:00.000+03:00

WAPIGADEBE

Nimeamua nichokoze mawazo yako wewe mwananchi kuhusu suala la wapigadebe katika vituo vya mabasi ya ndani ya miji (daladala kwa dar na express kwa mwanza)na nje ya miji (yale yaendayo mikoani)

Hawa ni vijana wenye umri wa kati kuanzia miaka 15 hadi45 yaani ni kama marehemu profesa Chachage alivyopenda kuwaita vijana wa kizazi cha dot.com. Aliwaita hivi kwa sababu moja kubwa bayo ni kwamba wengi wa vijana wamezaliwa baada ya tz kupata uhuru yaani baada ya 1961 na wamekulia katika kipindi ambacho nchi imeshuhudia mabadiliko makubwa ya kiuchumi, kisiasa na kiutamaduni,

Tukirudi kwenye mjadala kuhusu kundi hili ambalo sasa linakua kwa kasi mpya na nguvu ya jumbo, hivi ni sababu zipi zinasababisha hali hii itokee

Je jamii inahusika na jamii ni nani kama ni hivyo! serikali na taasisi zake ina mkono katika hili!

karibu utoe maoni yako!